BANYUMAS, iNews.id - Cerita Banyumasan kali ini menceritakan kisah kaki Parta dan kaki Trisno. Sewaktu mau ke pasar, kaki Parta dicegat sama kaki Trisno. Ternyata Kaki Trisno hanya ingin meminjam uang.
Dengan berbagai alasan yang disampaikan kaki Trisno. Kaki Parta memberikan selembar uang. Dasar kaki Trisno, uang yang dipinjam hanya diberikan setengahnya untuk isterinya di rumah. Separuhnya lagi disiapkan untuk beli nomer togel.
Cerita Banyumasan kali ini berjudul 'Tukang Togel'. Jalan cerita Banyumasan ini bersambung setiap episodenya, dan tayang setiap Senin dan Kamis yang ditulis dengan menggunakan bahasa Ngapak.
Berikut jalan cerita selengkapnya seperti dirangkum iNews Purwokerto, Senin (11/7/2022):
Bali ngumah arep labuh nderes, pongkore urung dilaruni malah siki mutung neng senthong. Kaki Parta ngurusi pegawean dewekan neng pedangan. Sedina uprek nini Sal ora metu-metua njaba, biasane pegaweane dicekel bareng dina kie ketemu dewekan. Kaki Parta mung gemrendeng.
Sauwise rampungan urusan gula, kaki Parta lunga jikot wedhus nggo digawa pasar wage ngesuk. Neng ndalan dindegna neng kaki Trisno sing nembe bali bar lungan.
"Mandeg disit sedela Kang... inyong ana perlu karo rika sedela."
Kaki Parta mandeg, banjur mudun." Ana perlu apa rika karo inyong. Sekang ndi rika kayong bar lungan kue."
"Iya kie nembe bali sekang umaeh biyunge." semaure kaki Trisno. " Kang, aku nyilih duite disit, sedela ikih...kae wong mburi lagi ngamuk-ngamuk bae ora due duit, genah winginane ngode ora dibayar neng majikane koh." kaki Trisno nglomboni.
"Ora dibayar apa ntong nggo pasang nomer?" semure kaki Parta.
Kaki Trisno kukur-kukur rambut sing ora gatel." Anu... anu... nggo biyunge winginane koh Kang...olih apa ora kie inyong nyilih sedela."
"Angger temenan diweken si Tas ya mengko tek silihi, ningen aja tahunan ya mbok inyong wong mburi mbebret." Kaki Parta ngulungi duit selembar maring kaki Trisno. Tasiah kue esih pernah dulur karo kaki Parta ning nasibe ora begya, olih bojo kaki Trisno sing sering klayaban ora genah, ngodene ya senen kemis anake akeh.
Kaki Trisno pamit pamitan bali ngumah. " Lumayan duite weken separo bae, sing separo nggo pasang buntutan mengko bengi, kayong ngimpine maen mau esuk."
Butul ngumah wadone lagi gemlundang neng pedangan." Due bojo ora kanggo nggawe, pintere mung gawe anak tok clangkrak clingkrik pengine awan bengi, tapi anak ora teyeng ngempani!!"
"Aja nangis bae Geng (Sugeng sapiane Kaki Trisno), inyong ruwing... nangis mengko ager bapamu bali. Beras be ora due semenir acan, ndadak bebek gaplek kie. Tinggal lunga bae karepe bojo kaya kaki Trisno tah." karo bebek gaplek mbari nggendong si ragil nini Tas kemrewek.
"Mbok...mboke..." kaki Trisno celuk-celuk sekang njaba.
"Esih kemutan umah bapane!!" semaur karo kesuh.
"Iya mboke, kie majikane inyong mung aweh semene tok, kena nggo becer rika." kaki Trisno ngelungna duit lewian nggo tuku ududan miki golih utang maring kaki Parta.
"Alhamdulillah...majikane wis bayar rika...deneng mung semene Pa..." nini Tas njembreng duite.
"Iya koh, jere separo disit kue, ngesuk angger aweh maning ya tek weken rika kabeh." kaki Trisno nglombo ben bojone mandeg golih kemrewek.
"Oh iya, ya kie Darwan cekel disit inyong urung teyeng adus kawit mau." nini Tas ngelungna si ragil maring kaki Trisno.
"Dasar wong wadon, diwei duit nembe gipyak adus, kawit mau rewad-rewod, pirang mbara bojo bali cemawis medangan karo bojo mesem. Pancen inyong ora ngayani ya trima diwei rewad-rewod gelem nglayani be begya. Mengko bengi angger nomere metu mangsa ora tek tukokna emas nana." kaki Trisno menyat karo nggendong Darwan.
Nini Tas adus melong garonan neng ngarep kaca lemari, katon bungah senajan mbuh diwei sepira, ora ketang dilomboni.
"Pa... kae gapleke di rampungna, inyong arep maring warung, ora due lenga ora due apa-apa, ngledig-dig pedangane. Nemu dompet neng ngisor kampil isine mung buku ngimpi tok, mbuh kaya ngapa olih nomer. Pegaweane tah tukang masang nomer ningen duit be ora se penje acan, Pa...Pa..."
"Oalah... jarku adus arep aseng maring senthong malah kon bebek gaplek, Mboke...mboke...mengko bengi angger nomere metu patang angka, rika njaluk apa bae tek tukokna pokoke."
"Lha, rika ora weruh sih kae, Sugeng wis glangsaran jaluk jajan kawit wingi, rika lunga wingi nembe bali ya ora weruh anake glebeg unggal dina. Ora kober mikir aseng rika maring senthong, nunggu bocah pada turu mengke bengi ari sabar."
Nini Tas ngemban Darwan mbatan lunga maring warung karo nuntun Sugeng sing glangsaran jaluk jajan.
Masalah neng jejodoan kue werna-werna, ningen babagan kurang duit sing nggo dadi penyebab bubare wong jejodoan. Sing pada ngertine, sing pada percayane, ben jejodoane langgeng.
Bersambung....
Dening (Penulis) : Umi Asmarani
Editor : Arbi Anugrah
Artikel Terkait
