BANYUMAS, iNewsPurwokerto.id - Cerita Banyumasan kali ini menceritakan saat nini Rikem sama kaki Tupon bercengkerama. Meski sudah tua, tapi mereka masih mempunyai dua anak kecil.
Kaki Tupon kerap merasa bahwa mini Rikem adalah wanita yang pintar cari uang dan mengurus suami. Ujungnya bisa ditebak dari rayuan maut kaki Tupon?
Cerita Banyumasan kali ini berjudul 'Pada Karepe'. Jalan cerita Banyumasan ini bersambung setiap episodenya, dan tayang setiap Senin dan Kamis yang ditulis dengan menggunakan bahasa Ngapak.
Berikut jalan cerita selengkapnya seperti dirangkum iNews Purwokerto, Senin (15/8/2022):
Sore kie nini Rikem lagi pada dopokan karo kaki Tupon nang bale tengah, Paijo bar pada dus-dusan langsung adus banjut madang neng pedangan. Si Denok lagi di kon adus ora gelem bae, esih pada uthitan ( main karet ) neng latar umah.
"Nok...Denok...adus wis sore, bocah koh angger urung rep sendekala ora ngangkani adus." nini Rikem celuk-celuk sekang njero umah. Kaki Tupon sing lagi udud ora melu ngurusi bocahan.
"Iya mengko Yung, sabar enggane...mandaran sumur neng mburitan be koh ora kudu ngangsu adoh." banene Denok semaur sekang njaba.
"Oalah bocah, angger diomongi koh angel temen tiru sapa jane."
"Ya nden tiru sapa ora tiru rika." Denok esih bae semaur sekang njaba. "Yung...arep tuku latung apa ora, kae kaki Kawul liwat."
"Iya tuku Nok, senthir karo teploke pada suwung, dasare ngemben angger Risah lamaran ya kudu ngurubna petromak." Nini Rikem menyat jikot gendul loro nggo wadah latung.
Ora ganti sue, nini Rikem metu ngumah tuku latung ideran. Meh arep peteng langite, Denok mlebu ngumah adus. Sauwise nini Rikem tuku latung, banjut ngiseni senthir karo teplok.
"Wis gagian di sumed kue teploke, inyong wis nonor ( ngga jelas buat melihat )." kaki Tupon nggerek-nggerek kon gagian.
"Sabar enggane, wong bae diisi latung mbok kie." nini Rikem semaur karo nyumed teplok. Pedangan dipasangi senthir, teplok sing mandan gede di delah bale.
"Denok maem disit, mengko gari sinau karo kakange, dadi teploke mandan ngirit."
"Jane inyong pengin nggenoih umaeh kang Joko Yung, neng kana tah wis ana listrik, pinggir gili gede dalane kepenak. Sekolah ya ora nyangking sepatu kaya sekang kene." Paijo nggrundel karo sinau.
"Ya mbesuk angger wis mlebu SMA, dela maning ikih mbok, sabar disit. Ngemben lamarane Risah arep neng kene bae apa neng kana yoh Ma..."
"Karepe rika bodoa ngonoh." kaki Tupon masrahna sekabehane maring nini Rikem.
"Tapi angger neng kana ya Denok urung teyeng ngapa-ngapa, wong esih cilik, angger Paijo sih wis teyeng apa bae dewek."
"Wis ngantuk Yung arep bubu..." bocah loro pamitan kabeh mlebu senthonge dewek-dewek.
"Iya nganah mbok ngesuk pada krainan."
"Wong ujarku arep ora metu si Denok gemien, wong wis tua enggane metu anake maning ya siki nini-nini esih due bocah cilik. Wong rika ora sabar, nembe bali jolok enggane langsung jaluk, wong ora KB ya langsung mlendung wetenge."
Denok lair nalika kaki Tupon jolok tani neng daerah perbatasan Jawa-Barat, mulane anak wadon bontot kue diarani Denok ( Nok ). Praene persis banget nini Rikem, pawakane cilik duwur, sejen karo Risah sing awake mepeg tiru rama.
Anane wong sakeloron pada gubes kandah nguna.
"Ya wong rika ya karep, angger rika ngomong aja ya mestine inyong manut. Rika ya mberod, golih lendotan ora gelem copot." semaure kaki Tupon mbari ngeplok balok ( budin dirajang terus digoreng )
"Lha wong genah sue ora bareng ya pengin inyong."
"Ya berati anu pada karepe, anggep bae Denok kue rejeki udu anu kebobolan. Wong bocah ayu-ayu kaya kae koh enggane arep ora diarah. Sing memper rika banget toli Denok kari Joko, jiplek karo rika."
"Iya bener, kayane rika sing pas semeno pengin banget ndean dadi memper inyong wkwkk..." nini Rikem ngguyu nggegrek.
"Ora usah mancing-mancing esih sore, mengko gari kebobolan maning, inyong sing disalahna maning, jane ya kaya kie rika sing ndisiti terus."
"Ya uwis ora usah kandah kaya kie, pada mapan turu bae mayuh. Teploke disirep kue Maa, ngirit latung."
"Ya mayuh, jarku digawa senthong kie teploke men aja peteng."
"Petengan deneng rika ora tau kesasar."
"Rika pancen pinter Yung, langka wong wadon sing kaya rika pancen, ya cerdas golet duit ya pinter ngurusi bojo, pinter apa bae pokoke."
Kaki Tupon menyat sekang risban nyipet teplok sing cemanthel neng paku saka, banjut mlebu maring senthing ngetutna nini Rikem.
Bersambung....
Dening (Penulis) : Umi Asmarani
Editor : Arbi Anugrah
Artikel Terkait
