Cerita Banyumasan, Kisah Kehidupan Nini Rikem dan Kaki Tupon Episode 37: Nanggap Lengger

PURWOKERTO, iNewsPurwokerto.id - Bersambung dari episode sebelumnya, episode kali ini bercerita tentang pernikahan Risah yang menanggap tarian Lengger. Ketika semua orang ingin datang menonton, Yatni hanya berada di rumah saja karena takut terkena marah nini Sal apabila ikut menonton. 

Akhirnya, Yatni diajak Joko untuk pergi menonton melihat tanggapan Lengger. Memaksakan diri dengan sedikit takut ketahuan nini Sal, Yatni bergegas pergi dan menonton Lengger.

Baca Juga

Ahmad Tohari Apresiasi Peluncuran Novel Bahasa Penginyongan Kaki Tupon lan Nini Rikem

Cerita Banyumasan tayang setiap Senin dan Kamis, pada episode 37 kali ini berjudul, 'Nanggap Lengger'. Berikut jalan cerita selengkapnya yang dirangkum oleh iNewsPurwokerto.id pada Kamis (6/10/2022), selamat membaca:

Gamelan uwis manggon neng papan sing disiapna, nunggu lengger sedela maning teka. Wati (istrinya Joko) sing gumun maring gamelan, jagong ndelengna nang pinggiran amben mbari ngemban anak lanange.

"Butul wayah apa Joko?" kaki Parta takon mbari ngulurna tangan ngajak salaman.

Baca Juga

Cerita Banyumasan, Kisah Nini Rikem dan Kaki Tupon Episode 48: Njaluk Sangu

"Eh, rika... nembe kie miki bar maghrib, sekang kana awan dadi butule sore. Preine mung ngesuk karo ngemben tok kie, dadi ora bisa sue."

"Ya ora papa, sing penting ngungkuli adine ijaban. Penganten lanang ya wis lagi neng dalan jere, dela maning kayane butul."

"Yatni siki neng ndi Man, kayong ora katon deneng..."

Baca Juga

Cerita Banyumasan, Kisah Nini Rikem dan Kaki Tupon Episode 47: Rencana Maring Bandung

Kaki Parta meneng sedela banjur crita apa anane maring Joko, Yatni kanca sekolaeh Joko ya kanca dolan kawit cilik. Joko manthuk-manthuk krungu critane kaki Parta.

"Tek parani inyong ya Man, melasi temen neng ngumah dewekan." Joko nemoni bojone pamit marani Yatni, banene si Wati katon manthuk-manthuk tandane setuju.

Satekane Joko, Yatni kaget, ora ngira babar blas Joko arep dolan maring umaeh. 

Baca Juga

Cerita Banyumasan, Kisah Nini Rikem dan Kaki Tupon Episode 46: Kiriman Duit

"Joko...?? Esih kemutan inyong? Wis dadi Insinyur, dadi wong kepenak yoh siki, ngeneh mlebu..." Yatni aseng Joko kon mlebu ngumah.

"Ora usah, nganah ko ganti klambi, mengko melu inyong... Risah dadi manten nanggap lengger, nanggap layar tancep, enggane ko ngurek bae neng ngumah. Ayuh melu inyong, gampang bibi Sal ngomeih ngomong bae akone inyong kaya kue."

Yatni ndelengna Joko merga bingung, wedi mbok diomeih biyung Sal. Ningen Joko maksa bae, akhire Yatni manut ngetutna sing diprentah Joko. Mlebu ngumah ganti klambine dewek karo anake, banjur lunga bareng karo Joko.

Baca Juga

Cerita Banyumasan, Kisah Nini Rikem dan Kaki Tupon Episode 45: Demenan

Binah bojone Risah wis teka karo batir penganten se rombongan, kaki Tamiarji aweh aba-aba maring penayagan kon dimulai kanggo nyambut Waris lan rombongan keluargane. Lenggere langsung munggah maring panggung, swara riuh, ramene sing nonton nambah semanger wengi kie. 

Waris nyalami kabeh seanane dayoh sing neng kono, nini Rikem karo kaki Tupon katon bungah jagong jejeran karo anak lan binah mantune. 

Joko karo Yatni teka banjur melu nyengkuyung bareng neng ngarepan panggonan lengger.

Desa Gerduren terkenal bibitane lengger kawit jaman kuna, jamane kaki Sandikin butul siki kaki Tamiarji. Lengger Kartinem nembe lagi belajaran, ningen wis molai terkenal neng tangga-tangga desa.

Kaki Tamiarji, Risah, kaki Tupon karo nini Rikem munggah panggung nyiarna seresning kaulane sih Risah, ana bancerane, baskom karo beras kuninge uwis siap. Seuwise rampung kupat slamet dibethot beras kuninge mubyar. Sedulur, tangga sing pada rewang, sing pada nonton melu bancer (nglempar uang ke dalam baskom).

Sing nonton ngebeki latar, bakul plendungan, bakul srabi, bakul kithit, baris neng ngarepan. Sekang kadoan ora keri ana kipyik neng kebon gedangan, banene sing ngrubung rapet ora katon teploke acan.

Tambah wengi tambah rame, ana sing nyawer munggah panggung ngalungna sampur (slendang). 

Nini Sal ora kemaha weruh Yatni katon njagong karo si Wati, karo Joko. Atine kemrutug katon panas molab. Nini Sal wedi mbok ngasih dinyek neng keluargane nini Rikem.

"Wis tek omongi kon aja maring ngeneh, koh delepe maring ngeneh, methengklis nengarepan, mengko angger inyong bali mangsa ora ha." nini Sal mencenger karo ngremed lap sing neng tangane.

Mbaranggawene gari sewengi maning, ngesuk gari nanggap layar tancep jalukane si Paijo. Tembangane pengin nonton layar tancep, dadi neng Risah ditanggapna kon adine melu bungah.

Bersambung...

Dening (Penulis): Umi Asmarani

Editor : Pepih Nurlelis