Cerita Banyumasan, Kisah Kehidupan Nini Rikem dan Kaki Tupon Episode 14: Ngalem Bojo

BANYUMAS, iNews.id - Masih dengan jalan cerita Kaki Tupon dan Nini Rikem, di mana sebelumnya nini Sal yang sebelumnya memendam rasa iri karena melihat nini Rikem mengenakan berbagai perhiasan, akhirnya menjual gabah miliknya untuk membeli emas. Mengetahui hal itu, sesampainya di rumah, kaki Tupon hendak memberi tahu nini Rikem agar ia tak mengenakan perhiasan miliknya. 

Ternyata nini Rikem sudah menyadari terlebih dahulu, ia sudah melepas perhiasannya karena tak mau membuat orang lain iri. Di tengah perbincangan mereka, usut punya usut ternyata kaki Tupon pernah dijodohkan dengan nini Sal sebelumnya. 

Baca Juga

PMI Banyumas Gelar Silaturahmi Pendonor dan Penggerak Donor Darah

Namun, nini Sal justru memilih kaki Parta karena kaki Parta lebih berpawakan besar dan gagah, ditambah lagi ia juga pedagang hewan ternak. Akan tetapi, dengan adanya kejadian yang baru saja dilihatnya, kaki Tupon merasa beruntung karena tidak jadi menikah dengan nini Sal. Meski nini Sal dan nini Rikem sama-sama cerewet, kaki Tupon merasa bersyukur karena menikah dengan nini Rikem. 

Baginya, nini Rikem jauh lebih bisa menerima keadaan dan tetap mendukung apapun yang dilakukan kaki Tupon. Sampai pada akhirnya, kaki Tupon pun memuji nini Rikem dengan bumbu rayuannya yang maut. Dua sejoli itu pun hanyut dalam suasana bak pengantin baru yang tengah dimabuk asmara.

Cerita Banyumasan kali ini berjudul 'Ngalem Bojo'. Jalan cerita Banyumasan ini bersambung setiap episodenya, dan tayang setiap Senin dan Kamis yang ditulis dengan menggunakan bahasa Ngapak.

Baca Juga

Laporan dan Pengeluaran Dana Kampanye Paslon, Bawaslu Banyumas Pastikan Sesuai Aturan

Berikut jalan cerita selengkapnya seperti dirangkum iNews Purwokerto, Kamis (23/6/2022):

Dina esuke, kaki Rasikun bolak-balik nyurungi grobag nggawani gabah dueke nini Sal sing didol arep nggo tuku emas. Nini Rikem sing lagi rikat-rikat gasik neng latar ngendegna kaki Rasikun.

"Gabaeh sapa kue Kang, banene bolak-balik kawit mau."

Baca Juga

Hasil Final: Lawan Kotak Kosong, Sadewo-Lintarti Menang 59,44% Suara

"Anune mbekayu Sal, jere arep nggo bayaran sekolah si Diwan."

"Oh ya yaa...ya ngonoh, mbok mblorod kue kandine." nini Rikem nglanjutna rikat-rikate.

Kaki Tupon bali nderes ngliwati latar, aseng biyunge mlebu kon ngurusi badeg. Nini Rikem ngetutna mlebu ngumah metung mburitan.

Baca Juga

5 Desa di Banyumas Gelar Umbul Doa dan Yasinan untuk Pilkada yang Damai

"Anu ke campur banyu udan, mbok gemblung Yung, mau larone kurang akeh kayong...lagi mangsan udan larone sing akeh, ditambaih obat gula setitik yakna ngesuk-ngesuk ben gulane keras." kaki Tupon ngedunna pongkor neng ngarep pawon pengindelan.

"Iya Maa...kue sarap disit lawuh lodeh bung, jengkole neng baskom lincak kae." nini Rimek nidokna sarapan mbari nyuntek badeg maring waja pengindelan.

Kaki Tupon sarap dewekan neng risban jejer pawon, karo ndelengna bojone sing katon trampil ngurusi badeg.

Baca Juga

Sadewo Tri Lastiono Dikukuhkan Jadi Ketua Yayasan Amanah Nusantara Peduli

"Jane inyong melas rika Yung, kawit tangi turu wis dikut lirene mung wengi be inyong cokan nggugaih...inyong ya gumun maju ngeneh malah maju doyan. Rika ya kayong tambah ngeneh tambah mloes dadi hawane pengin nggugaih rika bae." kaki Tupon ngomong neng batin mbari nyokot jengkol.

Nini Rikem wis rampung ngorogi pongkor, wis ngonclang rasane ayem gari tunggu geni tok jagong neng jengkok.

"Rika sih kalung karo gelange neng endi Yung."

"Tek benaih, mbok gawe iri wong sing weruh...mandaran anu udu tuku duite dewek mengko gawe panas wong."

"Kayong ora tau weruh ngaji tapi waras deneng rika...ya apik nek rika ndue pinemu pikiran kaya kue."

"Iya Maa...inyong ya pada bae menungsa sing ndueni sifat iri, drengki ya pengin pamer mbarang, tapi inyong krasa nek weruh wong anggon-anggon apik inyong pengin, dadi emase tek benaih bae."

"Ya bener kue, miki inyong liwat neng empere kaki Parta lagi pada gegoh adol gabah arep nggo tuku emas, angkane inyong arep ngaruh-ngaruih rika kon aja di nggo malah wis dicopot ya syukur."

"Oalah, miki esuk kaki Rasikun bolak-balik gawa grobag isi gabah jere anune nini Sal, adol gabah nggo bayaran sekoaeh Diwan jebule arep nggo tuku emas."

"Iya, miki nini Sal banene gemlundang neng pedangan."

"Maen kue wurungane rika." nini Rikem semaur mbari mlengos.

"Kue kan ganu, siki genah rika sing dadi bojone inyong, tresane inyong ya mung kanggo rika, ora nana wong liane maning." kaki Tupon mandan nggombal.

"Halahh ya mbuh inyong ora ngerti." nini Rikem ngesur geni karo canthung-canthung.

Nini Sal gemien dijodohna karo kaki Tupon, ning nini Sal ora gelem, milih kaki Parta sing wonge bagus gede duwur. Kaki Parta uga pegaweane nderes ning dadi bakulan kewan, ana wedhus, ana ayam, entog mbarang. Sejen karo kaki Tupon, nek bar nderes gari mangkat sawah, wong sambiane tani.

Apa penjalukane nini Sal meh keturutan, wong kaki Parta sering maring pasar angger lagi pasaran pasare. Pokoke telat ora kasembadan nini Sal kemrewek ya gemlundang. Kaki Tupon esih bersyukur ora sida karo nini Sal ning olih nini Rikem sing mandan rereb wonge, senajan cokan kemrewek ning ora kaya nini Sal.

"Rika maju ngeneh maju mloes malah Yung, kayong mencorong koh, pokoke ya begya inyong olih rika." kaki Tupon ngalem ben wadone ora jengkel.

"Ya mencorong angger ke sorot batre." Nini Rikem mesem njejeri kaki Tupon sing esih kemringet.

"Ngapa maning...arep tanduk esuk-esuk, inyong esih kesel, mengko ngawan bae angger gulane uwis mateng."

"Iih...rika tah pikirane ngeres bae, lah wong maring bojo ya pengin mandan lendotan mbok, kaya tangga anyar sing cokan pamer neng ngarepan umah kae."

Nini Rikem madakna karo tanggane sing dadi penganten anyar. Kaki Tupon milih meseme mbok nini Rikem jengkel mengko bengi ora diwei.

Bersambung....

Dening (Penulis) : Umi Asmarani

Editor : Arbi Anugrah