Cerita Banyumasan, Kisah Kehidupan Nini Rikem dan Kaki Tupon Episode 25: Jaluk Pegat

BANYUMAS, iNewsPurwokerto.id - Cerita Banyumasan kali ini menceritakan saat kaki Sapon sebagai Ketua RT terkejut dengan kedatangan nini Tas. Perempuan itu cerita sambil menangis. 

Nini Tas ingin cerai dari kaki Trisno. Kaki Sapon memutuskan untuk menemui kaki Trisno. Namun, dia minta ditemani kaki Tupon. Bagiamana kelanjutan ceritanya?

Baca Juga

Ahmad Tohari Apresiasi Peluncuran Novel Bahasa Penginyongan Kaki Tupon lan Nini Rikem

Cerita Banyumasan kali ini berjudul 'Jaluk Pegat'. Jalan cerita Banyumasan ini bersambung setiap episodenya, dan tayang setiap Senin dan Kamis yang ditulis dengan menggunakan bahasa Ngapak.

Berikut jalan cerita selengkapnya seperti dirangkum iNews Purwokerto, Kamis (4/8/2022):

Esuk-esuk gasik nini Tas mlayu karo nangis maring umaeh RT ne, kaki Sapon sing esih neng pedangan banjur metu nemoni nini Tas. 

Baca Juga

Cerita Banyumasan, Kisah Nini Rikem dan Kaki Tupon Episode 48: Njaluk Sangu

Kaki Sapon takon karo ngenengna nini Tas selaku ketua RT. " Ana apa Tas, deneng esih esuk wis ruwean, awak ya gejebur kaya kue..."

"Inyong wis ora kuat ngadepi Kang Trisno maning, inyong jaluk bubar bae Man...ora papa dadi randa esih nom." nini Tas semaur karo nangis nggungguk.

"Sstt...aja kaya kue, digolet disit masalaeh apa, jajal dirempug karo Trisno.

Baca Juga

Cerita Banyumasan, Kisah Nini Rikem dan Kaki Tupon Episode 47: Rencana Maring Bandung

"Ora bisa Kang, saben dina uripe inyong rekasa, ngurusi anak esih pada cilik, angger inyong jaluk duit nggo becer ora tau due duit. Pirang mbara kaya wong-wong, teyeng mangan enak, teyeng plesir, teyeng nyandang apik-apik, lha inyong tuku tapih ora nibani setahun sepisan. Inyong bar disiram banyu seember jalaran jaluk duit nggo becer miki Kang, aku wis wegah due bojo kaya kue." nini Tas kemrewes ( crita karo nangis).

Kaki Sapon meneng bae, ora teyeng semaur. Nyatane Trisno kue wong ora ndue pahalan, pirang mbara nyenengna bojo saben ndina uripe mung padu tok. Kaki Sapon melas weruh nini Tas sing gejebur nyunyur.

"Kaya kie bae, mayuh bali ngumah tek jujugma inyong, mengko inyong sing ngomong karo Trisno. Eehh...mbok menawa esih bisa diaruh-aruih."

Baca Juga

Cerita Banyumasan, Kisah Nini Rikem dan Kaki Tupon Episode 46: Kiriman Duit

"Inyong arep bali bae maring umaeh biyunge, nunut mangan rama biyung bae maning, jane isin...ganu inyong mbelani kaki Trisno ujarku arep pinter pahal, malah jebule wong males gur dolanan nomer tok pegaweane." 

"Aja kaya kue disit, ayuh bali karo inyong disit, mengko Trisno tek omongi maning, kon pahal aja gulabedan tok."

Kaki Sapon aseng nini Tas kon bali ngumah nemoni kaki Trisno disit. Nini Tas nginthil ngetutna sekang mburi.

Baca Juga

Cerita Banyumasan, Kisah Nini Rikem dan Kaki Tupon Episode 45: Demenan

"Mengko disit, inyong mampir aseng kaki Tupon disit nggo batir, mbok kaki Trisno ngamuk dadi ana sing ngrewangi."

Kaki Sapon mampir umaeh kaki Tupon, nggawa bala mbok kaki Trisno ngamuk. Sauwise ketemu karo kaki Tupon, kaki Sapon jaluk ijin maring nini Rikem

"Kaki Tupon tek silih sedela, kon mbatiri inyong maring umaeh kaki Trisno, si Tas digrujug banyu gara-gara jaluk duit nggo becer."

"Oalah...kaki Trisno pegaweane kur gawe lara wong wadon, anak wis rembel awan bengi ya jaluk maring senthong, dijaluki duit nggo becer koh nggrujug wadone. Enggane inyong ya tek brengkolang sisan karo sigaran blukang."

"Mulane rika kudu bersyukur, olih kaki Tupon sing eman. Adol gula ya di kaprokna kabeh. Uripe ayem kepenak, jaluk maring senthong ya bombong ora ke paksa."

"Hehee...iya Kang Alhamdulillah, inyong bersyukur pisan." nini Rikem mesem semu isin-isin.

"Wis mayuh melas Tas mbok kesuen ngenteni." kaki Tupon nyawel topi sing cemanthel.

Nini Rikem ndelengna bojone lunga karo kaki Sapon maring umaeh kaki Trisno.

"Melas temen ko Tas...Tas, gemien dijodohna karo wong sing teyeng pahal malah milih Trisno sing jere bagus, siki ya rambut be ora tau dicukur acan, mbuh adus mbuh ora. Kaya inyong due bojo kaya kaki Trisno ya bebeh, seneng clangkrak-clingkring munggah ngamben, ning wadon ora ora diurusi." nini Rikem gemrendeng karo negi lawang mlebu mgumah.

Jejodoan kue masalaeh werna-werna, kudu ngerti tugas lan kewajiban salah sijine. Aja ngasih kewajiban ora dicukupi, merga bisa dadi dalane pedot wong jejodoan.

Bersambung....

Dening (Penulis) : Umi Asmarani

Editor : Arbi Anugrah