Cerita Banyumasan, Kisah Kehidupan Nini Rikem dan Kaki Tupon Episode 26: Tutup karo Wadah

BANYUMAS, iNewsPurwokerto.id - Cerita Banyumasan kali ini menceritakan pasangan antara kaki Tupon dengan nini Rikem memang kompak. Bahkan, disebut wadah sama tutupnya. 

Bahkan, kaki Tupon kerap bercanda kepada nini Rikem, supaya kalau keluar tidak dandan. Cukup bersolek di rumah saja.

Baca Juga

Ahmad Tohari Apresiasi Peluncuran Novel Bahasa Penginyongan Kaki Tupon lan Nini Rikem

Cerita Banyumasan kali ini berjudul 'Tutup karo Wadah'. Jalan cerita Banyumasan ini bersambung setiap episodenya, dan tayang setiap Senin dan Kamis yang ditulis dengan menggunakan bahasa Ngapak.

Berikut jalan cerita selengkapnya seperti dirangkum iNews Purwokerto, Kamis (11/8/2022):

Kaki Trisno lagi kebingungan merga Darwan, anak sing cilik nangis bae. Kaki Trisno ngemban Darwan metu maring njaba, ning njaba tambah putek weruh Sugeng lagi nangis glangsaran geger goleti mboke sing lunga sekang ngumah.

Baca Juga

Cerita Banyumasan, Kisah Nini Rikem dan Kaki Tupon Episode 48: Njaluk Sangu

"Cep-cep, meneng aja nangis bae, ayuh nggolet mboke." kaki Trisno mereki Sugeng sing lagi nangis. Ngemban Darwan karo nuntun Sugeng lunga sekang ngumah nggolet nini Tas sing lunga mutung mau. Mbari mlaku anane bocah sakeloron nangis bae trut dalan.

Sekang kadoan nini Tas lagi mlaku bali karo kaki Sapon, dibatiri kaki Tupon. "Eh kae Mboke bali deneng." kaki Trisno ngecungna anake maring nini Tas.

"Alhamdulillah rika bali Mboke, kie bocahan pada nangis kabeh, inyong jaluk ngampura." kaki Trisno mandeg neng adepane kaki Sapon.

Baca Juga

Cerita Banyumasan, Kisah Nini Rikem dan Kaki Tupon Episode 47: Rencana Maring Bandung

"Ayuh balik maning, inyong arep ngomong karo anane wong sakeloron."

Nini Tas ora semaur blas, kaki Tupon mung ndelengna, melu ngetutna kaki Trisno mbalik maning maring umaeh. Sauwise tekan ngumah, nini Tas njagong adoh-adoan karo kaki Trisno.

"Sing arane wong wis umah-umah kudu pada bae ngertine, dadi wong lanang kudu teyeng pahal, ngempani anak bojo, wong wadon kesel neng ngumah ngurus anak ngurus pegawean umah. Aja mung ngalor ngidul cangklongan klambi tok, aja ngasih bojomu bali maring umaeh biyunge maning, isin." kaki Sapon dadi penengah kaki Trisno karo nini Tas.

Baca Juga

Cerita Banyumasan, Kisah Nini Rikem dan Kaki Tupon Episode 46: Kiriman Duit

"Iya, inyong salah ora teyeng nyukupi kebutuhan umah, lagi kurang turu bojo jaluk duit, inyong ora due duit ya kesuh kalasan tek siram banyu sisan." kaki Trisno semau karo ndengkul.

"Mulai siki dirubah kelakuane, pahalan bera asal gelem, aja ngarep-arep buntutan tok saben wengi, ora nyugihna ora malah ngentongna. Maju tua melas anak kaya kue pating gendolo, enggane jajan bae ora teyeng. Nganah siki dandan empere inyong kae kie tek upaih disit, kudu cepet golih pahal ari wedi ditinggal bojone."

"Iya Kang, inyong kesuwun, inyong arep dandan pikir kie." kaki Trisno salaman karo kaki Sapon.

Baca Juga

Cerita Banyumasan, Kisah Nini Rikem dan Kaki Tupon Episode 45: Demenan

"Nah kaya kue, uwis tua enggane pikiran kaya bocah nom."

Kaki Trisno pada salaman karo kaki Tupon, kaki Sapon, karo nini Tas, anake pada ranyeng jaluk gendong nini Tas kabeh.

Sauwise beresan ngurusi kaki Trisno karo nini Tas, kaki Tupon karo kaki Sapon pada bali.

"Yung...Yung...rika lagi neng ngendi..." kaki Tupon dodog-dodog lawang.

"Lagi neseki suluh mburi umah kie, kue ngesurna geni Maa...kepriwe kaki Triso, inyong arep melu mbenthong angkane karo blukang."

"Uwis beres, arep dandan pikir jere, ya moga-moga anane kedadian kie Trisno rubah ora gunane gulabedan ngalor ngidul."

"Lah iya, wong wis tua enggane nembe arep dandan pikir, apa ora melas bojone, nini Tas wong ayu dadi ora katon ayune. Enggane olih bojo pegawe apa ora ayu sih kae, olih Trisno urip rekasa mangan bae kangelan boro-boro nggo nyandang karo dandan."

"Kaya rika angger ganu gelem karo bos gula be kayane ya tambah ayu yoh Yung, urip kecukupan ora kesel neng ngarep pawon ya neng ngalas. Inyong jane pengin gawe uripe rika seneng aja keselen Yung. Apa nderese liren bae, mandaran gari bocah loro ikih."

"Ya ora Maa, wong jodoeh inyong genah rika, wis ora usah nguna maning lah, mayuh pada madang bareng bae."

Nini Rikem menyat, mereki kaki Tupon sing lagi medang neng ngarep pawon.

"Wis arep due mantu maning isin aja saingan karo anake, dewek pindah senthong mburi bae, kae Risah ditukokna amben sing apik dadi rika ora kesirian kaya nini Gones, anake wadon meteng deweke tiru meteng, ya anu gunane kesirian ndean." kaki Tupon kandahan karo guyon.

"Oalah...ramane, inyong tah ya ora kaya kue..." nini Rikem jawal.

"Iya, ora beda karo nini Gones." kaki Tupon karo nggegrek.

"Kue, jebule rika sing lenjeh, angger langka pegawean karepe ya kaya kie, apa maning bocah ora neng ngumah."

"Ya mumpung sehat, rika ya esih ayu...inyong ora seneng angger rika nggo delengan wong Yung, angger lungan ora usah dandan, dandane nggo inyong tok ager neng ngumah bae."

Nini Rikem mesem karo mlirik maring kaki Tupon. Antarane kaki Tupon karo nini Rikem pancen anu klop, wadah wis pas karo tutupe.

Bersambung....

Dening (Penulis) : Umi Asmarani

Editor : Arbi Anugrah