Cerita Banyumasan, Kisah Kehidupan Nini Rikem dan Kaki Tupon Episode 33: Rewang Njenang

BANYUMAS, iNewsPurwokerto.id - Cerita Banyumasan kali ini mengisahkan nini Rikem dan nini Sal bersama nini Dar akan membantu membuat jenang ketan untuk persiapan pernikahan Risah.

Orang-orang yang akan membantu sudah banyak, tapi nini Sal justru tidak kelihatan. Semuanya ikut bahagia dengan rencana acara pernikahan Risah, karena memiliki calon yang murah hati.

Baca Juga

Ahmad Tohari Apresiasi Peluncuran Novel Bahasa Penginyongan Kaki Tupon lan Nini Rikem

Cerita Banyumasan kali ini berjudul 'Rewang Njenang'. Jalan cerita Banyumasan ini bersambung setiap episodenya, dan tayang setiap Senin dan Kamis yang ditulis dengan menggunakan bahasa Ngapak.

Berikut jalan cerita selengkapnya seperti dirangkum iNews Purwokerto, Senin (5/9/2022):

Ora krasa ngemben Risah dadi penganten, dina siki nembe bae nampa besan. Gawane Waris werna-werna pisan, pedhet, beras ketan, beras biasa, suluh, klapa, emase setengan ons, lan esih akeh liane maning. Risah kelebu begya due calon bojo sing eman tur mapan.

Baca Juga

Cerita Banyumasan, Kisah Nini Rikem dan Kaki Tupon Episode 48: Njaluk Sangu

Nini Rikem wis kemlepet kaya kitiran kawitan esuk, dina siki arep njenang, majik, lan gawe ketan. Pedangane rame banget, akeh sing rewang. Ana sing gorengi, ana sing goreng kenthang, lan lia-liane. 

"Nini Sal deneng ora katon, Tas?" nini Rikem ngendegna Tas sing lagi mbopong baskom.

"Kayane ora mangkat Yu...wingi lagi ana besan teka tah deweke rewang ngarep mburi..." nini Tas semaur karo mlaku.

Baca Juga

Cerita Banyumasan, Kisah Nini Rikem dan Kaki Tupon Episode 47: Rencana Maring Bandung

"Ganing apa maning kae wong...gelang karo ali-ali seprene urung dibalekna, jarku kon rewange semangat. Sal-Sal...wong koh panasan banget, emperan weruh besan kebek sebale ndean atine langsung panas." nini Rikem mung mbatin tok.

"Dar, sing arep njebor ( ngadoni tepung buat bikin jenang ) sapa bae, kae glepunge wis teka ndean, kayong gubes neng emper."

"Nini RT ya wis teka kae, wis pada siap kabeh sing pada arep njebor, baskom karo jembangan wadah banyu ya wis siap, rika maring njaba bae nganah, inyong karo kanca batir sing arep jebor wis siap kabeh ikih." nini Dar mlaku njaba karo nggawa baskom sing nggo agan jebor glepungan.

Baca Juga

Cerita Banyumasan, Kisah Nini Rikem dan Kaki Tupon Episode 46: Kiriman Duit

Nini Rikem wis ora ngurusi nini Sal, sing rewang wis akeh ikih.

Wong sing arep pada rewang njenang wis mulai ngurubna geni, Jadi ( wajan buat njenang ) wis siap neng pawon sekang gedebogan. Bocah-bocah pada rame neng latar, biyung-biyung bocah pada sibuk neng emper pedangan sing wis digaweni gople ( emper dadakan nggo masak-masak ).

Kahananan neng umaeh nini Rikem rame, pas kebeneran bocah sekolah lagi prei. Nini Tas karo kaki Trisno ya melu rewang, senajan nyambi momong ning nini Rikem ya ora tau nggundengi, ngranapi wong anu bala bocah.

Baca Juga

Cerita Banyumasan, Kisah Nini Rikem dan Kaki Tupon Episode 45: Demenan

Jeboran jenang wis mulai munggah, ninine sing pada melu njebor uprek ngesorna adonan maring Jadi ( wajan jenang ). Kaki Sapon sing dadi ketua panitia dikon ngurusi segalane ya katon sibuk masup metu ngecek, lamona ana sing kurang.

Nini Dar karo nini Tas rampungan jebor pada jagonan neng lincak mburitan mbari sarap lawuh jangan gandul ajange godong jati.

"Risah bener-bener begya yoh Yu...olih tentara, binah mertua ya eman, besan kebek sebale apa bae digawa nggo isen-isen umah."

"Iya, Tas...kue sing arane wong begya, ora kabeh wong kaya kue...emperen nini Sal ora teka jalaran panas weruh bale kebek ganing gawane binah bojo Risah."

"Ssstttt...wonge teka kae, aja brisik." nini Tas krisikan maring nini Dar.

"He emm..." nini Sal dehem.

"Awanan rika Yu...ngeneh sarap lawuh jangan gandul kie, wis munggah ikih jenange, sing nggo madang awan wong jenang ya wis matengan." nini Dar ngawe-awe maring nini Sal.

"Ngonog dipenak bae, inyong wis sarapan neng ngumah, kie jujugna godong temen ( daun pisang ). Mbekayu Rikem neng ngendi deneng ora katon, apa lagi nyatheti gawne Waris?" 

"Lagi neng senthonge Risah ndean, Bi..." semaure nini Tas.

"Besan werna-werna nana wong tua tah ya ora melu ndueni, wong barang semena akeeh dueke Risah karo bojone. Mbekayu Rikem mung nyawang tok." nini Sal katon ora seneng ndelengna Risah olih besan werna-werna.

Nini Dar karo nini Tas meneng bae ora melu semaur, mung pating plirik tok. 

Sing arane wong urip kue pikirane ora pada, ana sing melu seneng nek tangga bungah, semeno uga kewalikane, ana sing ora seneng weruh tangga lagi bungah.

Bersambung....

Dening (Penulis) : Umi Asmarani

Editor : Arbi Anugrah