Cerita Banyumasan, Kisah Nini Rikem dan Kaki Tupon Episode 39: Nanggap Layar Tancep

BANYUMAS, iNewsPurwokerto.id - Berlanjut dari episode sebelumnya, episode kali ini membahas mengenai Tanggapan Layar Tancep pada pernikahan Risah. Semua warga menikmati film yang diputarkan, namun di saat itu justru memberikan kesempatan kepada Yatni menyiapkan barangnya untuk berangkat ke Bandung.

Yatni menerima ajakan Joko untuk bekerja di Bandung. Namun, nini Sal belum mengetahuinya.

Baca Juga

Ahmad Tohari Apresiasi Peluncuran Novel Bahasa Penginyongan Kaki Tupon lan Nini Rikem

Cerita Banyumasan tayang setiap Senin dan Kamis, pada episode 39 kali ini berjudul, 'Nanggap Layar Tancep'. Berikut jalan cerita selengkapnya yang dirangkum oleh iNewsPurwokerto.id pada Kamis (13/10/2022), selamat membaca:

Wengi kie Yatni beres-beres klambi diwadaih tas. Tekade wis mantep arep melu Joko maring Bandung, anak wadone sing esih cilik uga digawa maring Bandung. Yatni ora tega nitipna maring biyung Temon sing wis katon ora eman jaman kawit cilikane deweke.

Seuwise siap kabeh, tas diumpetna maring longan, mbanjut deweke metu nonton layar tancep.

Baca Juga

Cerita Banyumasan, Kisah Nini Rikem dan Kaki Tupon Episode 48: Njaluk Sangu

Wingi bengi Yatni diwei duit neng Joko kon nggo cekelan, kena nggo pranti jajan anake wadon. Nini Sal ora ngerti, nalika Joko aseng Yatni maring Bandung.

Layar tancepe wis distel, lakone Arie Anggara, Yatni ndhelik nonton sekang ngisor wit gedang karo ruwean. Film sing diputer kaya lagi nyritakna kahanan uripe deweke. Sing nonton pada melu njebembres nangis, sing nonton rapet ningen ora katon rame sorak, karo gemuyune.

Nini Rikem karo kaluwargane ora nyangka tukang film e nyetel film sing lagi rame jamane semono. Meh kabeh wong sing nonton pada nangis, ningen nini Sal api-api ora weruh film sing nyritakna biyung tiri jahat maring anak temon.

Baca Juga

Cerita Banyumasan, Kisah Nini Rikem dan Kaki Tupon Episode 47: Rencana Maring Bandung

Kaki Parta mlirik maring bojone sing lagi dikut buntel lawuh medang karo janganan.

"Rika ora nonton Yung, kae jajal nonton...film e nlangsani pisan..." kaki Parta aseng nini Sal kon nonton filme.

"Inyong lagi sibuk, Pa... Mengko bae angger inyong wis rampungan." nini Sal tetep bae dikut buntel. Kaki Parta wegah maksa, akhire metu maring njaba.

Baca Juga

Cerita Banyumasan, Kisah Nini Rikem dan Kaki Tupon Episode 46: Kiriman Duit

"Jann... Film koh gawe wong pada ruwean kaya kie, wis bubar ikih, ganti film sing rame..." nini Rikem maju maring panggonan proyektor jaluk ganti film.

"Brama Kumbara, Mas..." swarane Joko sekang kadoan.

"Siap Mas..." semaure pegawe layar tancep.

Baca Juga

Cerita Banyumasan, Kisah Nini Rikem dan Kaki Tupon Episode 45: Demenan

Layar tancepe mati arep ganti film, jalukane Joko akhire diputer.

Layare murub maning ganti lakon SAUR SEPUH, episode 'Pesanggrahan Keramat'. Sing mikine amleng ijig-ijig rame swara surak penonton. Gambare Lasmini sing seksi langsung gawe byar penonton rame. Gemrungsung swara wong pada reang, ana sing kandah dewek, ana sing ngemat melu nonton. Agedan werna-werna, ana sing gawe kesuh, gawe guyu, pokoke lengkap.

Saur Sepuh kue film laga, ningen ana lucu ya ana crita sedieh. Unggal bocah wis paham merga pada gunane ngrungokna sandiwara neng radio.

Butul gagat esuk penonton esih kebek, bakulan ya melu rame, meh kabeh bakul dagangane laris. Bakul kacang karo gembus tampaeh wis pada kemureb merga dagangane entong. Bakul sroto sing maune wis mandan adem gagat esuk pada rup ngrubung maning nggoleti sing anget-anget.

Mbaranggawene nini Rikem bener-bener nggawa berkah kanggo bakulan sing melu dagang neng tontonan, ora mung desane dewek tok, ana bakulan jolok sekang desa sejene.

Joko mereki Yatni sing njagong gelaran kandi ndhelik neng ngisor wit gedang karo mangku anak wadone.

"Kie sroto nggo anakmu karo ko Yat... Dimaem mumpung esih anget, ko wis nyiapna klambi sing nggo agan ngesuk mbok Yat, butule nganah neng umahku disit, mengko tek goletna kontrakan pereke Risah yakna."

"Kesuwun banget Joko, inyong dadi ora kepenak karo Wati, omongna kesuwun ya... Klambine aku karo ne Murni (anak wadone Yatni) wis tek wadaih tas kabeh, gur gari mikir pamite maring ramane karo biyunge."

"Siip... Iya, mengko tek omongna maring Wati, semoga ngesuk diwei kelancaran olieh jaluk ijin. Ya wis, aku arep mbatiri dayoh disit."

Joko wis paham banget maring Yatni, gemien lagi cilik angger nangis diomeih nini Sal mlayune maring umaeh nini Rikem sing emane kaya biyunge dewek. Paribasan ndadar ndog siji ya secewil ewang. 

"Inyong wedi mbok Wati cemburu, aku jane kesuwun banget maring ko...moga-moga Wati nrima inyong dadi sedulur wadon. Butul ngendia ko kue batirku ya sedulur lanangku Joko." Yatni ngomong lirian mbari mrebes mili ngrangkul anake.

Bersambung...

Dening (Penulis): Umi Asmarani

Editor : Pepih Nurlelis