Cerita Banyumasan, Kisah Nini Rikem dan Kaki Tupon Episode 48: Njaluk Sangu

BANYUMAS, iNewsPurwokerto.id - Berlanjut dari episode sebelumnya, episode kali ini membahas mengenai nini Rikem dan nini Sal yang hendak pergi ke Bandung untuk menjenguk anak-anak mereka. Sebelum berangkat, nini Sal dan nini Rikem meminta uang untuk perjalanan kepada suami mereka.

Nini Sal diberi uang kaki Parta, namun menurut nini Sal itu kurang. Berbeda dengan nini Rikem, sangu yang diberikan oleh kaki Tupon benar-benar sangat mengejutkan.

Baca Juga

Ahmad Tohari Apresiasi Peluncuran Novel Bahasa Penginyongan Kaki Tupon lan Nini Rikem

Cerita Banyumasan tayang setiap Senin dan Kamis, pada episode 48 kali ini berjudul, 'Njaluk Sangu'. Berikut jalan cerita selengkapnya yang dikutip oleh iNewsPurwokerto.id dari Novel Basa Panginyongan pada, Senin (28/11/2022), selamat membaca:

Sore kie nini Sal arep mangkat maring Bandung karo nini Rikem, karo Denok. Nini Sal natani klambi maring njero tas, kaki Parta lagi bingung ngetung duit sing ora kena dibagi.

"Kie agan nggo sangu rika mengke sore, ora usah jajan neng terminal, wis sangu kupat ikih. Neng kana aja ngisin-ngisina maring Yatni, mbok Yatni dipecat sekang kodeane."

Baca Juga

Cerita Banyumasan, Kisah Nini Rikem dan Kaki Tupon Episode 47: Rencana Maring Bandung

"Iya, tenang bae, wis sangu mendoan ikih... deneng mung semene, miki gulane olih sepira sih Pa... apa rika ngunthet? Ager semene ya gur nggo bolak-balik ngebis tok." nini Sal protes.

"Lha angger di wehna rika kabeh sih inyong kon mangan apa neng kene, urip dewekan olah-olah dewek kudu becer maring warung, nege bae ya mblenger mbok. Rika neng ngumah be saben dina gur tege gel ora nana batire, kaki Tupon lah ancengane ya iwak ora keri kon ana gizine, ora kaya rika, saben dina gur nege karo jangan lumbu bae unggal dina."

"Oalah.. rika ora trima diolahna jangan lumbu karo tege?"

Baca Juga

Cerita Banyumasan, Kisah Nini Rikem dan Kaki Tupon Episode 46: Kiriman Duit

"Ya mblenger nek saben dina molaeh kaya kue bae, kudune ya di batiri iwak ayam apa iwak kali, ayam saben ndina di dol duite ora tau cukup bae. Rika kue ora nana syukure mulane sepira-piraa ya ora bakalan cukup."

"Oh... kaya kuwe, dadi rika ora ikhlas aweh duit maring inyong sing saben dina tunggu pawon?!"

"Aduh jan... Kesel ngomong karo rika tah, ora tau bener. Buntute dadi padu, ngonoh karepe rika." kaki Parta menyat karo ngesaki duit sing pating glethak neng meja.

Baca Juga

Cerita Banyumasan, Kisah Nini Rikem dan Kaki Tupon Episode 45: Demenan

Nini Sal mung ndelengna kaki Parta sing lunga metu njaba. 

"Inyong salaeh neng apa? Ujarku ya ngomong apa anane mbok, deneng Bapane dadi kesuh maring inyong."

*****

Baca Juga

Cerita Banyumasan, Kisah Nini Rikem dan Kaki Tupon Episode 44: Sregep Nyambut Gawe

Neng sejen panggonan, nini Rikem lagi siap-siap sing nggo agan digawa Bandung. Tempe mendoan, gethuk goreng, gembus mentah, karag (cantir), oyek, lan janganan sekang ndesa.

Gerdus wis dijiret kenceng neng kaki Tupon.

"Endi maning sing arep diwadaih kie, kecombrange mbok keri Yung."

"Wis mlebu gerdus kabeh mbok Ma. Sing penting kupat karo mendoane aja dilebokna gerdus, delah tas bae."

"Wis kabeh."

"Kie gulane urung adem aja dilebokna tenggok disit, inyong arep adus." nini Rikem menyat lunga maring mburitan.

Swara gebyar-gebyur krungu butul maring pedangan. Kaki Tupon lagi medang gethuk goreng gaweane nini Rikem.

Nini Rikem mlebu maring umah mung bebedan anduk tok, kaki Tupon nylinguk krungu swara lawang mbukak sekang mburi.

Nini Rikem langsung bae maring senthong klamben, soale seurunge maghrib kudu wis neng terminal, esih suwe jane tapi ngarah ayem sisan gawe bae bar nitis langsung adus.

"Rika tambah tua tambah ayu bae, inyong cokan ora trima angger rika arep ndandeng dandan tambah ayu tapi sing nyawang wong lia." kaki Tupon gemrendheng neng mbatin.

"Ramane... Tulung kuwe gerdus karo tase disiapna bale ngarep, dadi ora nana sing keri." Swarane nini Rikem njaluk tulung kaki Tupon kon ngetokna gerdus karo tas.

"Mol inyong arep ora disangoni ndisit sih kie, biasane ditawani malah kayong sibuk bae inyong ora diurusi kie, jian angger wis mikir anak inyong ora katon pokoke." Karo mlaku metu gawa gerdus karo gemrendheng dewekan.

"Ngomong apa Pa? Kurang genah." Nini Rikem semaur sekang njero senthong.

"Ora, ngonoh." kaki Tupon bolak-balik metu nggawani gerdus karo tas.

Nini Rikem metu sekang senthong wis nganggo klambi maen.

"Miki rika ngomong apa Ma? Jaluk sangu apa? Duit wis tek wei, jangan karo iwak ayam esih kae neng ngisor kekeb, kurang apa maning Ma?" Nini Rikem ora patia genah miki.

"Biasane rika peka ya ngertian, kayong siki lagi ora peka apa sing inyong pengin."

"Hmm, inyong ngerti kie, maksude sangu sing sing liane ya."

"Nah kue ngerti."

"Mbok Paijo karo Denok bali malah magel mengko, kawit mau ora nembung, wis klamben kaya kie nembe ngomong."

"Biasane tawa malah dienteni kayong amleng oda tawa-tawa."

"Yung... Yung... bukakna lawang Yung..." Denok dodog-dodog lawang sekang njaba. Kae miki Bibi Sal celuk-celuk arep mangkat jam pira jere?"

Nini Rikem pating pentheleng pandeng-pandengan, banjut pada gemuyu. Kaki Tupon sing wis menyat sekang dingklik banjut njagong maning, akhire ora sida jaluk sangu maring nini Rikem.

"Ya wis nunggu rika ndandeng disit bae, ora usah dandan ayu-ayu, inyong ora seneng ayune rika disawang wong lia."

Nini Rikem ngemek pipine dewek. 

"Ayu apane sih, mandaran nganggo parem tok karo lipen tipis koh aja kayuen, jan rika tah kaya wong nembe pacaran bae."

Kaki Tupon ora seneng angger nini Rikem dandan, merga nggo sawangan wong lia, kaki Tupon wedi mbok bojone elik maring deweke. Sing arane menungsa mesti ndue rasa keweden mbok ngasih ditinggal ganing wong sing di tresnani.

Dandan apike neng ngumah kanggo sawangan bojo, ningen akeh wong kewalik pada dandan nek arep ndandeng (lungan).

Bersambung...

Dening (Penulis): Umi Asmarani 

Editor : Pepih Nurlelis