Cerita Banyumasan, Kisah Kehidupan Nini Rikem dan Kaki Tupon Episode 9: Plesir Baturraden

PURWOKERTO, iNews.id - Masih bersama dengan nini Rikem dan kaki Tupon dengan keluarganya, kali ini mereka makan bersama. Nini Rikem heran dengan apa yang dipesan Paijo.

Baginya, pizza tiada lebih dari serabi raksasa yang morat-marit. Kendati demikian, ia tetap memakannya. Usai makan bersama, rombongan itu melanjutkan perjalanan menuju Baturraden.

Baca Juga

PMI Banyumas Gelar Silaturahmi Pendonor dan Penggerak Donor Darah

Tiba-tiba, di tengah perjalanan nini Rikem muntah. Beruntung ia membawa tas kresek. Sesampainya di sana, mereka pun mengabadikan momen dengan foto bersama.

Selesai foto, kemudian mereka memasuki obyek wisata Baturraden. Mereka semua pun sangat senang bisa berkumpul dan rekreasi bersama.

Dalam cerita Banyumasan kali ini berjudul 'Plesir Baturraden'. Jalan cerita Banyumasan ini bersambung setiap episodenya, dan tayang setiap Senin dan Kamis yang ditulis dengan menggunakan bahasa Ngapak.

Baca Juga

Laporan dan Pengeluaran Dana Kampanye Paslon, Bawaslu Banyumas Pastikan Sesuai Aturan

Berikut jalan cerita selengkapnya seperti dirangkum iNews Purwokerto, Senin (6/6/2022):

Sauwise muter-muter neng Moll, Joko ngejak keluwargane mandeg neng nggon panganan. Joko pesen panganan sing rama karo biyunge urung tau mangan.

"Kie panganan apa, Joko..." nini Rikem karo molak-malik panganan pesenane Joko.

Baca Juga

Hasil Final: Lawan Kotak Kosong, Sadewo-Lintarti Menang 59,44% Suara

"Panganan enak Yung, inyong sing pengin kaya kue..." Paijo semaur.

"Ujarku srabi raksasa deneng ana runtaeh neng duwuran, mayuh Ramane nyipi kaya ngapa rasane." nini Rikem tawa maring Kaki Tupon.

"Udu srabi Yung...kue arane Pizza Hut, panganane wong luar negri...senajan rika urung tau maring luar negri tapi rika bisa nyipi panganane, kue wingi Paijo karo Denok sing jaluk." Joko motong pizza sing neng sandingane.

Baca Juga

5 Desa di Banyumas Gelar Umbul Doa dan Yasinan untuk Pilkada yang Damai

"Lah, inyong tah tuku ranjem karo dage bae mengko baline."

"Mumpung Kang Joko lagi neng kene ya jajane mandan sejen Yung, aja jajan telih ayam bae mbok inyong blenger jajane kaya kue bae pendak adol gula." Paijo karo mangan karo gemrungung kesuh maring biyunge.

"Iya...iyaa...ngonoh ko sing pengin, neng kene ana sing dagang cau..." kaki Tupon implang-impleng goleti bakul cau.

Baca Juga

Sadewo Tri Lastiono Dikukuhkan Jadi Ketua Yayasan Amanah Nusantara Peduli

"Ya ora nana Ramane...tuku minuman liane bae, ngko caune mampir neng dalan sawah amba." saure Joko.

Risah, Wati, Denok, karo Paijo mulai pada mangan pesenane Joko mau. Kaki Tupon karo nini Rikem ya banene melu nyipi ben mandan gaul sepethit. Joko nawani panganan liane sing bahane sekang daging ayam karo iwak.

Sauwise rampungan mangan, Joko karo liane belanja werna-werna, nggo ngiseni pedangane biyunge karo kebutuhane adi sakeloron. 

"Uwis kebek kranjange Kang, inyong pengin maring Baturraden koh malah kesuen neng Moll." Denok nyurung kranjang karo nggrundel.

"Ya uwis ayuh gari maring Baturraden, biyunge jere pengin keburan neng kana." Joko semaur karo mlirik biyunge.

"Ramane kae sing senenge gupak neng sawah." nini Rikem semaur karo nyabet Joko.

Belanjane wis rampungan, Joko sekeluarga pada metu maring mobil nglebokna beceran mau. Siki gari mangkat maring Baturraden mumpung kahanane esih awan tur cerah. Kaki Tupon karo nini Rikem katon bungah bisa keliling karo anak, mantu, ya putu. Nini Rikem mangku Nanang anake Joko sing lagi bubu.

Mobil wis mlaku maring arah ngalor, nini Rikem katon byuk-byukan, Nanang diweken maring pangkone Wati. Nini Rikem banjur meneng, padahal mikine gubes mbuh kandah apa bae.

"Rika ganing apa Yung..." Kaki Tupon ngemek bathuke bojone. " Deneng kemrenyes temen, rika mabok Yung?"

Nini Rikem urung semaur ijig-ijig, " Hoeekk...hooeek..." 

"Ngandel mesti mabok rika tah, kie PPO ne, di wedakna neng weteng. Joko, mandeg disit kie biyunge mabok." Kaki Tupon prentah Joko kon mandeg neng pinggir gili.

"Untung inyong sangu kresek mau, jann wetenge ijig-ijig mumbul, gara-gara mangan srabi amba kae mau ndean." nini Rikem semaur lirian merga lemes.

"Ya wis ngaso disit neng kene, ko jagong jejere biyunge Sah, mbok mengko mutah maning dadi ana sing nyekeli kreseke."

"Iya, Kang."

"Mlaku maning apa Yung..." Joko taren biyunge disit.

"Iya mayuh dadi cepet butul."

Pada mlebu mobil maning, terus mobile mlaku londogan. 

"Kacane buka bae, Joko...karo sing mambuu wangi neng mobil anu apa kie jann...gawe wetenge inyong nyel-nyelan."

"Oh ya, anu pewangi, ya ngko tek pateni AC ne ben ora mambu, rika ndelenge njaba sing seger mengko toli ora mabok maning. PPO ne di cekel bae di wedakna weteng karo gulu."

"Biyunge tah ndadakan mutah, ya mobile mambu senthonge rika kie, ana PPO ne." Paijo moyoki biyunge karo gayem jajan.

"Bocah maning sih, ujare mutah ke pengin sih, wong ijig-ijig mumbul sekang weteng koh." nini Rikem semaur ora trima.

"Ya wis, Paijo anu urung tau mabok ya ora ngerti rasane mabok." kaki Tupon ngedem-demi ben ora mbabrah wadone golih ngecebrek.

"Wis enggal butul ikih kie, dela maning. Nggawa jajan sing tuku miki bae Nok dadi neng kana mengko gur tuku sate kelincine. Mau ramane pengin sate kelinci jere, anu akeh ikih ngko golet neng nduwur." Joko wis mulai markir mobile.

Sauwise mudun sekang mobil, Joko ngejak maring pintu masuk kawasan Baturraden. 

"Hawane pada bae angger neng sawah esuk-esuk yoh Yung...adem akeh pedhute." Kaki Tupon njanggleng deleng pemandangan sekang nduwuran.

"Iya...mung bedana neng kene akeh bakul werna-werna Yoh Maa..." nini Rikem mereki Ramane.

"Foto-foto disit ya Yung...pada kumpul dadi siji mengko gantian." Risah ngatur rama biyunge kon pada foto bareng-bareng.

Wis rampungan foto nembe pada mlebu maring kawasan wisata, Risah mlaku neng ngarep karo nuntun biyunge mbok kepleset. Kaki Tupon kaya lagi angon keluwarga, rasana bungah bisa kumpul plesir bareng. Semono uga Joko, rasa bungaeh ora bisa diucapna karo kata-kata nyawang wong tua esih pada sehat. Bungaeh wong tua, bungaeh anak.

Bersambung....

Dening (Penulis) : Umi Asmarani

Editor : Arbi Anugrah