BANYUMAS, iNews.id - Melanjutkan kisah cerita Banyumasan antara nini Rikem dan kaki Tupon.
Suatu kali nini Rikem mengadu pada kaki Tupon. Ia melihat ada pertengkaran di pekarangan depan rumahnya. Ternyata kaki Trisno tengah dikejar oleh nini Tas. Nini Tas marah karena kebutuhan ekonomi keluarga mereka bukannya dipenuhi, malah kaki Tas menghamburkan uang untuk memasang nomor.
Melihat pertengkaran itu, kaki Tupon tak berani melerai. Di sisi lain, melihat pertengkaran itu, nini Rikem bersyukur karena selama ini kaki Tupon tak pernah membuatnya marah besar. Kemudian mereka pun kembali melanjutkan aktivitas mereka membuat gula.
Cerita Banyumasan kali ini berjudul 'Begya'. Jalan cerita Banyumasan ini bersambung setiap episodenya, dan tayang setiap Senin dan Kamis yang ditulis dengan menggunakan bahasa Ngapak.
Berikut jalan cerita selengkapnya seperti dirangkum iNews Purwokerto, Senin (27/6/2022):
Ini Rikem karo Kaki Tupon lagi pada akur banene ya kayong bungah neng pedangan, ningen neng latar ana swara gegoh kaya wong lagi padu. Nini Rikem metu maring njaba nglongok sapa sing lagi pada gegoh.
"Sapa sing lagi padu Yung..." Kaki Tupon takon karo ngesur geni sing mlagar.
"Trisno karo wadone pada uber-uberan kae Maa...jajal rika ngendegna salah sijine, kae wadone nggawa benthong dawa pisan." Nini Rikem ora wani metu wedi mbok dadi sasaran benthong.
"Mangkat wengi bali esuk saben dina olieh apa Pa..anak akeh kudu digoletna pangan, rika pegaweane mung ngracik ngimpi pasang nomer tok. Duit arep nggo becer neng ngisor kampil wis ora nana. Pirang mbara nyenengna anak bojo malah kelakuane tambah ndadi deneng rika, lunga nganah ora usah bali!" Nini Tas karo cincing-cincing nguber bojone nggawa benthong.
Kaki Tupon karo nini Rikem mung wani ngintip ora wani misah." Rika arep misah apa ora kae Maa..."
"Belih urusan rumah tangga inyong ora wani melu-melu, mengko toli akur maning biasa, nini Tas lagi kesuh duit arep nggo becer malah nggo pasang nomer." semaure Kaki Tupon.
"Iya, nyatane Kaki Trisno ya kejahaten banget, dadi wong kawit kuna ajeg bae kelakuane, inyong melas maring nini Tas, lagi kae anak sing cilik guleran neng emper geger jaluk jajan es jere ora nana duit se penje acan, inyong melas tes becer jujulane tek ulungna."
"Mulane rika kudu bersyukur, esih ana wong sing lewih rekasa sekang dewek, ditambah maning Kaki Trisno ora eman isine mung padu tok saben dina, begya Nini Tas esih gelem ngurus bojo angger lagi apikan."
"Iya Ramane, inyong ya bersyukur banget, senajan ora olih pegawe tapi olih rika sing eman, tukang nderesa sing penting kelakuane ora werna-werna." nini Rikem molai nglendot maring pundake Kaki Tupon.
"Hmm...padune lagi ana sing dikarepna kie..." Kaki Tupon semaur karo nggrenyem.
"Ya ora, inyong wis bungah urip bareng karo rika senajan apa anane inyong nrima Maa..." Nini Rikem esih lendotan.
"Kepriwe kie arep sida tanduk apa ora, kayong rika wis mulai rubes nyambut gawene ketungkul lendotan bae." Kaki Tupon api-api jane ya anu ngarep-ngarep wadone nembung maning.
"Aduh tanggung kie, genine mlagar maning kae Yung..." Kaki Tupon kaget kemutan geni ora disur.
"Jann...rika sing maraih kaya kie dadi ora kemutan lagi indel." Nini Rikem gipyak mlebu maring pedangan.
Kaki Tupon bingung," Wong sing lendotan be deweke deneng inyong sing disalahna, Yung...Yung..." Kaki Tupon gemrendeng karo mlaku ngetutna Nini Rikem.
Kaki Tupon uprek gawe sengkang karo dandan eblek, nini Rikem nunggoni geni karo ngurusi suluh di garang nduwur pawon.
"Wis arep tua gulane Maa, ngalih kue disingkirna disit eblek karo sengkange ditata." Nini Rikem ngublek gula sing arep di entas.
Gulane mateng wis dientas, gari nitis.
"Kue iruse ngathang-ngathang bae deneng...gagian ngeneh jikotna Maa, arep nggo nitis."
"Ngathang-athang bae kaya rika angger bengi kue."
"Inyong ngathang-athang ya angger rika duliti bae. Wis gagian ngeneh mbok gulane garing."
Nini Rikem trampil banget golih nitis gula, Kaki Tupon bagian nata sengkang karo nyopoti. Nini Rikem begya olih bojo Kaki Tupon, Kaki Tupon ya semono uga merga antarane wong sakeloron pada-pada mangerteni babagan apa bae. Ora nana pegawean abot nek dilakoni bareng-bareng.
Bersambung....
Dening (Penulis) : Umi Asmarani
Editor : Arbi Anugrah
Artikel Terkait
