BANYUMAS, iNewsPurwokerto.id - Cerita Banyumasan mengkisahkan perseteruan antara kaki Parta dengan nini Sal mulai berakhir. Itu karena ada jasa kaki Tupon yang menjadi penengah.
Namun, beberapa hari kaki Parta masih kecewa, sehingga pisah ranjang. Tapi gara-gara ada tikus, keduanya akhirnya bisa kembali mesra. Kenapa tikus bisa menjadikan kaki Parta dan nini Sal kembali mesra? Simak kisah ini...
Cerita Banyumasan kali ini berjudul 'Wawuan'. Jalan cerita Banyumasan ini bersambung setiap episodenya, dan tayang setiap Senin dan Kamis yang ditulis dengan menggunakan bahasa Ngapak.
Berikut jalan cerita selengkapnya seperti dirangkum iNews Purwokerto, Kamis (21/7/2022):
Kaki Tupon dadi penengah antarane kaki Parta karo nini Sal. Senajan gemien tau dijodohna karo nini Sal ningen kaki Tupon bisa dadi penengah wong sakeloron.
"Wis siki crita masalaeh anu apa, inyong pengin ngerti genaeh...isin wis tua aja pada dudon neng dalan, aja kaya bocah cilik."
Kaki Parta crita kedadian apa sing dialami deweke, nini Sal esih ngotot mbela bae.
"Karepe ko siki apa, Sal...apa Si Parta kon neng mgumah bae apa kon kepriwe?"
"Inyong pengin ramane aja dadi bakul wedhus maning, inyong pengin uripe tentrem kaya rika karo mbekayu Rikem."
"Urip tentrem kue dasare neng ati karo pikirane dewek, Sal...angger pikirane gemrungsung bae ya ora nana ayeme."
Kaki Tupon maraih werna-werna, ben nini Sal mudeng. Wis ana se jam dadi wasite kaki Parta karo nini Sal, kaki Tupon pamit bali.
"Ya uwis inyong arep bali mbok badege ngumpruk." kaki Tupon pamit bali.
Siki nini Sal wis adem, pikirane mulai tenang. Kaki Parta wis ora dadi bakul wedhus maning. Nini Sal mereki kaki Parta sing esih njagong neng risban.
"Inyong njaluk ngampura Pa...inyong tresna karo rika mulane inyong kesuh angger krungu ana omongan randa neng kupingku. Rika esih kencot ya Pa...inyong miki wis matengan kae, arep mecak kecombrang ya ana." nini Sal mulai ngrayu. Kaki Parta esih adol larang maring nini Sal, api-api ora ngarah omongane nini Sal sing lagi ngrayu.
"Iya...inyong wis wareg, ganing omongane rika." Kaki Parta mbukak kupluk njiot duit banjur diwehna maring nini Sal.
"Iya Pa...wis aja dilabuih maning, inyong ya pengin kaya mbekayu Rikem, esuk-esuk esih kaya laron...dewek tah ora tau mbok Pa...pirang ndina kie rika turune ngleder dewekan neng risban, inyong pelang-pelong dewekan neng amben senthong. Apa iya rika ora katisen neng risban mung sarungan tok." nini Sal mulai nglendot neng pundake kaki Parta.
"He em...ngalih, inyong adus disit esih mambu wedhus." kaki Parta lunga adus, nini Sal ngaca ganti daster sing apik.
"Wong lanang tah obate gampang, jengkela kaya ngapa angger arep diwei ya langsung githir." jero menenge nini Sal karo mesem.
"Kie klambi gantine, Pa...tek delah kenap ya..."
Ora ganti sue, kaki Parta rampungan adus, katon seger ora kaya maune. Kaki Parta nganggo klambi karo sarung sing wis disiapna neng nini Sal.
"Wis rampungan Pa...tulung kie ingserna lemari disit, miki ana clurut mlayu ngeneh kie."
Kaki Parta gagian mlayu merga ana clurut mlebu maring senthong.
"Ndi clurute Yung, ngeneh tek gebuge."
"Miki maring ngeneh kie, jajale rika ngimpleng maring longan amben, mbok maring longan."
"Ora nana deneng Yung, maring ndi sih mol mlayune..."
"Ya uwis belih ari ora ketemu, jorna bae...malah sikile inyong dadi kedeklek kie, lara..." nini Sal njagong neng pinggir amben. Kaki Parta menyat nyekel sikile nini Sal banjur dipijeti.
"Nah iya kue, maring nduwur kue pating srenod koh Pa..."
"Iya...jog nduwur ngeneh apa? Padune rika lagi pengin kie tah. Kaki Parta molai mijet nini Sal." selot sue maju nduwur-nduwur golih mijet.
"Nah kaya kie mbok disawang wong dirasakna neng dewek ayem tur kepenak. Jane rika asline ya moblong-moblong, ning genah lambene sing gawe ilang ayune."
Kaki Parta nuruti jalukane nini Sal, deweke ya jane wis pengin turu bareng kawit wingi. Hak karo kewajiban kue kudu seimbang. Jaluk jatah turu bareng ora tau aweh jatah becer ya kaya kaki Trisno karo nini Tas.
Bersambung....
Dening (Penulis) : Umi Asmarani
Editor : Arbi Anugrah
Artikel Terkait
