BANYUMAS, iNewsPurwokerto.id - Cerita Banyumasan kali ini mengkisahkan ketika nini Rikem menunggu kaki Tupon yang tidak pulang-pulang, Paijo memberikan kabar kalau kaki Tupon di rumahnya nini Sal. Langsung saja nini Rikem berangkat.
Tapi ternyata kaki Tupon tidak ada. Nini Rikem pulang dengan bertanya-tanya ke mana Kaki Tupon pergi.
Cerita Banyumasan kali ini berjudul 'Berita Gawe Panas'. Jalan cerita Banyumasan ini bersambung setiap episodenya, dan tayang setiap Senin dan Kamis yang ditulis dengan menggunakan bahasa Ngapak.
Berikut jalan cerita selengkapnya seperti dirangkum iNews Purwokerto, Senin (25/7/2022):
Nini Rikem bolak-balik ngimpleng dalan, ngadang kaki Tupon sing wis awan ora bali-bali. Pikirane ora tenang, biasane baline gasik.
"Lagi maring ndi Ma...deneng wis wayah wene urung bali-bali, mau wis sarapan gasik mol wetenge rika kumat maning Ma..." nini Rikem nyambi mlaku ngantru bojone mbok kenang apa-apa neng dalan.
"Deneng pongkore neng kene, ningen wonge langka, lagi maring ndi ya...Ramanee...Ma...rika nang ndi...apa wetenge lara maning." nini Rikem celuk-celuk bojone.
"Ramane lagi neng umaeh bibi Sal kae Yung..." Paijo ijig-ijig teka.
"Apa?! Neng umaeh si Sal...ko sih sekang ndi, preian kon repek malah gunane ngeprungna dara tok kaya kue, celuk ramane kon bali nganah Jo..."
"Rika bae nganah dadi weruh lagi pada ngapa neng kana." semaure Paijo gawe sreset neng atine nini Rikem. Dadane kemreteg krungu jawabane Paijo.
Paijo lunga mlayu karo semaur maning." Ngintip disit bae Yung, aja langsung mlebu ngumah dadi genah, dirungokna disit."
Nini Rikem manut ngetutna Paijo sing prentah kon ndeleng dewek, " Lagi pada ngapa neng umah, badege wis ngumpruk malah mampir-mampir."
Pas Paijo liwat ngeprungna dara mau krungu Ramane lagi dadi wasit misah nini Sal karo kaki Parta. Nini Rikem mlaku londogan nrobos metung mburitan umaeh nini Sal.
Paijo prentaeh kon aja langsung mlebu, nini Rikem ya manut. Seuwise perek umaeh nini Sal nini Rikem ngintip bale umaeh nini Sal suwung.
"Deneng neng kene ora nana, maring ndi sih kae wong. Paijo nglomboni inyong sih mol...bocah-bocah koh pinter gawe ati wong tua panas." nini Rikem pindah maring emper.
Atine mandan panas krungu si Paijo ngomong Ramane lagi neng umaeh Nini Sal jere kon ndeleng dewek dadi ngerti, maksude Paijo jane kon weruh nini Sal lagi pada padu. Tapi pikirane nini Rikem ora pada karo sing di omongna Paijo. Ndarani kaki Tupon lagi asoy-asoy karo nini Sal mantan demenane gemien.
"Krat-kret, krat-kret..." suara amben moni neng njero senthong, Nini Rikem mereki karo ati panas.
"Apa kie sing di mamgsud Paijo, inyong kon ngerti dewek..." dadane nini Rikem rasane abot kaya dene ketindih kayu gede.
"Rika tega temen maring inyong, Maa...ujarku inyong dadi bojo ya manut, setia maring rika deneng kelakuane rika kaya kie Maa..." esih ngomong neng jero ati. Lueh ndlewer neng pipi merga ora di nyana kaki Tupon demenan maning karo nini Sal.
Tambah ngeneh tambah ora kuat, krungu amben moni kreat-kreot ningen langka suara wong mung ana swara krasak-krisik lirian sing gawe lara ati. Mbayangna neng njero kaki Tupon karo nini Sal lagi asoy-asoy an, kaya sing biasa dilakoni neng dewek karo kaki Tupon. Nini Rikem ora kuat ngintip, gur ngrungokna swara neng njero tok.
"Paijo...inyong ora kuat ngintip ramane lagi ngapa neng njero senthong karo nini Sal. Inyong bali bae bedahna badeg dewekan." nini Rikem ora sida ngintip, ningen bali maning. Nini Rikem karo mlaku karo nangis trut dalan.
"Lho, deneng pongkore langka...ilang maring ndi kie...aku balek maning maring umaeh nini Rikem nyeluk ramane apa kepriwe ya, tapi Ramane lagi asoy-asoy an karo nini Sal. Wis lah inyong bali bae, arep ora ngurusi badeg, atine inyong lagi lara ning ora katon keperange, dadane abot kaya ketindih kayu."
Nini Rikem nglanjutna bali ngumah. Nembe butul maring emper umah nini Rikem krungu swara ana wong lagi ngorogi pongkor neng pedangan. Nini Rikem langsung bae mlebu ngumah.
"Deneng rika neng ngumah!" nini Rikem kamitenggengen njanggleng neng lawang.
"Lha Rika sih sekang ngendi, kayong tes nangis deneng. Lunga koh lawang ngablag-ablag kabean." kaki Tupon mbalek takon.
"Inyong...anu...eumm...anu Maa..." nini Rikem bingung golih njelasna.
"Anu apa, kingene njagong golih kandah, pongkor wis rampungan ikih."
Nini Rikem dadane langsung entheng, langsung injlog ngrangkul kaki Tupon sing esih dleweran kringet tok. Pikirane wis adem, wis tenangg merga sing lagi neng senthonge nini Sal udu kaki Tupon.
Bersambung....
Dening (Penulis) : Umi Asmarani
Editor : Arbi Anugrah
Artikel Terkait
