BANYUMAS, iNewsPurwokerto.id - Cerita Banyumasan kali ini mengkisahkan saat wargà melaksanakan kerja bakti. Masing-masing punya peran, baik yang laki-laki maupun wanita.
Termasuk di antaranya nini Rikem dengan kaki Tupon. Keduanya memang sering menjadi perbincangan warga apalagi dulu nini Rikem merupakan kembang desa.
Cerita Banyumasan kali ini berjudul 'Kerigan'. Jalan cerita Banyumasan ini bersambung setiap episodenya, dan tayang setiap Senin dan Kamis yang ditulis dengan menggunakan bahasa Ngapak.
Berikut jalan cerita selengkapnya seperti dirangkum iNews Purwokerto, Kamis (28/7/2022):
Senajan wis keri golih kerigan, ningen kaki Tupon tetep mangkat. Nini Rikem nglanjutna indel maning, Paijo sing lagi seneng dara preian mung dolanan dara.
Kaki Sapon karo kanca batir wis lagi labuh kerigan, ana sing dandan paceran, ana sing mbuangi suket pinggiran gili, lan ana sing ngeler gragal. Urip neng desa esih guyub rukun, gotong royong karo tangga teparo, lan kanca.
"Kayong awan deneng, wong kon gasik nderese dadi kerigan gasik malah kawanen." kaki Sapon mapag neng pinggiran gili.
"Iya koh Kang, tangine kawanen, andang-andang kae miki biyunge jaluk tulung kon mboyongna amben."
"Pokoke due bojo ayu tah genah ketungkul bayang-boyong amben bae, ambene ya dela-dela mledos." kaki Sapon semaur karo guyon.
"Rika tah paham banget yoh Kang, babagan amben mledos ya..." pada ngguyu kabeh anane wong sing pada kerigan.
Kaki Tupon ya langsung bae medun blumbang, mbuang waled sing marakna mampet. Kabeh pada sibuk karo bagiane dewek-dewek. Kerigan mbari guyon nggawe pegawean ya cepet rampung.
"Uwis awan deneng urung ana sing jujug medangan kie kaki RT."
"Iya kie deneng, ujarku mau wis gasik marud budin koh wis arep rampungan urung ana sing ngirim. Mayuh liren bae disit mbari ngenteni wedange teka." kaki Sapon ngiridna wargane kon pada leren.
Ora ganti sue wadone kaki Sapon katon sing kadoan nggendong rinjing karo nyangking ceret. Katon gipyak wong rumangsa wis kawanen.
"Deneng sue Yung, bocahan ora pada ngrewangi sih neng ngumah." kaki Sapon takon maring wadone mbari ngrewangi ngedunna rinjing.
"Bocahan mung teyenge dolan, mung Warkem tok sing ngrewangi miki, liane ya pada bubar dolan." nini Dinah semaur karo ngedun-ngedunna medangan.
"Kie mbok cawike ora keduman ya karo godong di plenthong yakna."
Kaki Sapon mimpin kanca batir kon pada liren medang neng pinggir gili.
"Yuu...Kang...ngko disit, kie aku nyimplung budin buket banget."
Nini Rikem sekang kadoan mlayu-mlayu nggawa baskom isi cimplung.
"Budin mbedul mburitan kie buket pisan, mlekah banget." nini Rikem ngos-ngosan karo ngulungna cimplung maring mbekayu Dinah.
"Kesuwun banget Kem, inyong ya gawe ondol karo lemet kue, wis medange budin tok." nini Dinah nyadonj karo gemuyu.
"Cimplunge buket ya kemenyil, kaya sing nyimplung emperen kie tah." sing pada kerigan nyipi cimplunge.
"Ya jajal rika takon kaki Tupon kae." kancane melu semaur.
"Kie arep ora marani kaki Tupon ora mbok, Kem...se jam maning mengko toli rampung." kaki Sapon guyon.
"Ya ora Kang, inyong be lagi indel...rika lah iya ndean wis pengin gagian bali mbuntuti mbekayu Dinah." nini Rikem tiru melu ngledek.
"Iya yoh Kang, kaki Tupon mesti kemejote pengin gagian bali, weruh bojo mencorong kaya kue ndeane ya ora lat." kanca kerigan pada jlopangan.
Nini Rikem karo nini Dinah sue-sue isin nggo jlopangan akhire pada bali bareng. Nini Rikem pancen wong ayu, wong kewes, ora tau wedakan nana wis putih melong. Awake ya ora lemu awet nom senajan kaki Tupon lemu deweke ora melu lemu.
Kaki Tupon melu isin, dadi meneng bae. Anu nyata genah kaki Tupon ya demen banget maring nini Rikem. Kabeh wong ngerti nini Rikem kue kembange desa kono gemiene.
Wong sing nyawang pancen adem uripe nini Rikem karo kaki Tupon. Umah-umaeh ya ora dela-dela gegoh, merga saling mengerteni antarane wong sakeloron. Ana ngegas ya ana ngerem, dadi mlakune ora njomplang
Bersambung....
Dening (Penulis) : Umi Asmarani
Editor : Arbi Anugrah
Artikel Terkait
