Cerita Banyumasan, Kisah Kehidupan Nini Rikem dan Kaki Tupon Episode 13: Iri

Joko, Wati, karo Risah ngrangkul biyunge mbanjut mlebu maring mobil. Nini Rikem, kaki Tupon uga Paijo karo Denok janggleng karo dadah-dadah weruh mobil mlaku lunga.

Nini Sal sekang warung ngampiri nini Rikem sing lagi pada nangis ditinggal Joko karo adine.

Baca Juga

Cerita Banyumasan, Kisah Nini Rikem dan Kaki Tupon Episode 45: Demenan

"Joko wis pada bali apa mbekayu..." nini Sal takon karo mereki nini Rikem mbari mlirik.

"Iya, Sal...inyong esih pengin kumpul barengg." nini Rikem semaur.

Nini Sal mung nyekel pundake tok karo menda-menda ngenengna nini Rikem mbanjut labas bali.

Butule ngumah nini Sal kaya wong orda, kaki Parta sing ora ngerti urusane dadi bingung.

"Ganing apa rika Yung, bali sekang warung ijig-ijig orda..." 

"Rika ngerti apa ora miki, mbekayu Rikem gelang, kalung, karo ali-aline gede pisan. Klambine ya apik, gonta-ganti bae...rika lah ora teyeng nyenengna bojo." nini Sal kemrewek ora kena di senggah. Kaki Parta esih bingung merga ora ngerti jengkele ganing apa.

"Ohh...rika iri? Rika pengin kaya nini Rikem...ya nganah dadi bojone kaki Tupon bae." kaki Parta semaure sante.

"Ora kaya kue bapane..."

"Banjur piwe...nasib wong kue ora pada, rejekine kae udu rejekine dewek. Ganu enggane rika sing dibojo kaki Tupon ya urung mesti rika kasembadan kaya kue, Joko nasibe apik, mbok jere sapa mbesuk Diwan nasibe juga apik kaya Joko."

Editor : Arbi Anugrah