Cerita Banyumasan, Kisah Kehidupan Nini Rikem dan Kaki Tupon Episode 24: Lumban

BANYUMAS, iNewsPurwokerto.id - Cerita Banyumasan kali ini menceritakan saat sebagian besar warga mengikuti kerja bakti. Mereka bercerita dengan tema yang berbeda-beda. 

Di antaranya adalah anak yang berbakti sama orang tua dan mertua. Juga ada bahan cerita lain, terutama mereka yang tidak berangkat kerja bakti.

Baca Juga

Ahmad Tohari Apresiasi Peluncuran Novel Bahasa Penginyongan Kaki Tupon lan Nini Rikem

Cerita Banyumasan kali ini berjudul 'Lumban'. Jalan cerita Banyumasan ini bersambung setiap episodenya, dan tayang setiap Senin dan Kamis yang ditulis dengan menggunakan bahasa Ngapak.

Berikut jalan cerita selengkapnya seperti dirangkum iNews Purwokerto, Senin (1/8/2022):

Srengenge wis mulai duwur, hawane mulai panas, kerigane wis enggal rampung. Kaki Tupon katon semangat, merga mau kawanen saking ora kepenake.

Baca Juga

Cerita Banyumasan, Kisah Nini Rikem dan Kaki Tupon Episode 48: Njaluk Sangu

"Biasa bae, ora usah digawe ngotot kaya kue...mbok mengko beyekane nyangkreng malah ora teyeng macul wengi." kaki Sapon guyonan.

"Inyong tah beyekane nyangkreng kudu macul wengi koh Kang."

"Ya ngonoh, ko sing esih nom...inyong tah wis pada repeh kabeh, andang-andang inyong wis werna-werna penyakite."

Baca Juga

Cerita Banyumasan, Kisah Nini Rikem dan Kaki Tupon Episode 47: Rencana Maring Bandung

"Alhamdulillah Kang, inyong senajan lemu sehat kabeh, jere doktere apa bae olih dipangan sing penting aja kakeen, diatur neng dewek Kang." kaki Tupon nyemauri nyambi ngeruk gragal kon rata.

"Jann, esih rosa nyambut gawene yoh... awan galeng mbengi macul..."

"Hehee iya Kang... ya ora saben dina, mung jere dokter karo kyaine kudu seimbang apa bae nana."

Baca Juga

Cerita Banyumasan, Kisah Nini Rikem dan Kaki Tupon Episode 46: Kiriman Duit

"Eh iya...jere wingi nampa layang sekang Risah, apa anu arel gotekan.?"

"Iya Kang, inyong jane mengke mbengi arep dolan umaeh rika, ning wis kadung rika bukak omong dadi inyong tek kandah sisan. Ngemben si Risah arep dilamar tentara, ningen mbaranggawene tah mbuh bisa mbuh ora, wong tentara tah angel preine. Inyong ya manut kana bae, sing penting nikah KUA, nikah Kantor beres, sah." kaki Tupon njagong neng watu gede pinggir gili.

"Iya ora papa, pentinge sih saeh kue, mbaranggawe tah gampang, mandaran sedulur bera ikih, dadakan nana ya bisa ikih. Joko dadi penganten ya ora mbaranggawe, ya Risah kudu mbaranggawe, apa maning anak wadon...olih wong priyayi, wong kopama. Pokoke inyong karo warga kene siap rewang mantune Si Risah."

Baca Juga

Cerita Banyumasan, Kisah Nini Rikem dan Kaki Tupon Episode 45: Demenan

"Ya mbuh iya mengko...ndeleng kahanan nganaeh. Joko ya wingi wis kirim wesel neng sekolahane Paijo, pas lagi preian bocah sekolah ya gurune sing njujugna maring ngumah."

"Syukur Kang, kesele ngrumat ana siki ana walesane, due anak ya pada ana pengertene kue. Inyong dadi tangga melu seneng angger krungu wargane bombong. Rika malah urung ngerti ndean ya, Si Yatni anak wadone Sal miki kirim layang pengin bali ora due duit, Parta langsung adol gabah nggo diweselna maring Jakarta, kon nggo sangu bali anake wadon. Jere lanange ora tau aweh duit, neng kana uripe rekasa."

"Inyong ora ngrungu kue, melas temen yoh...mulane inyong tah angger anak ora kirim kue melas, dudu inyong sing lagi ngarep-arep kiriman, ning angger anak pada kirim berati lagi omber, lagi due duit. Inyong ya tau krungu bojone Yatni gelem plak-plek jere, ora teyeng nyembadani bojo tangane ya entheng, melu lara ngawak inyong dadi tanggane."

"Wis arep bedug, ayuh pada bali...di inggirna bae mengko angger wis garing sapa liwat tulung bledhugna ya." 

Kaki Sapon aweh aba-aba, kerigane kon dirampungi. Sauwise rampungan kabeh, kaki Tupon karo kaki Sapon bali mlaku ngalor bareng.

Neng pertelon, kaki Sapon menggok maring umaeh dewek sing manggone neng pas totogan dalan. Kaki Tupon esih mlaku ngalor maning, umaeh wis perek alas ora adoh karo kaki Parta.

Kaki Tupon langsung maring sumur mbatan adus, nini Rikem lagi njagong neng jengkok mbari ngesur geni.

"Wis rampungan sih Maa..."

"Uwis mau, tapi miki inyong liren karo kang Sapon. Jere Kang Sapon Yatni lagi jaluk bali, mulane kaki Parta ora mangkat kerigan. Bojone galak, ora tau gelem pahal, melas Yung..."

"Melas temen ya, dewek kudu bersyukur Maa... calone Risah ya eman banget. Joko ya eman bojo, eman mertua. Kawit kuna mula inyong welinge eman mertuamu kaya maring biyungmu, semono uga inyong weling maring sing wadon."

"Iya Yung..."

"Inyong nege kedele karo cipir, coele jengkol ke iwak lunjare neng ngisor kekeb. Paijo sing olih wingi sore pada lumban neng kalen ( lepen ) degrig."

"Nah siki Denok karo Paijo pada ora neng ngumah apa Yung?" 

"Ya ora, pada mangkat lumban maning ndean, pegaweane mung lumban karo ngeprungna dara tok. Piwe sih Maa...pengin sih, ya mengko nunggu gulane mateng kie wis munjuk ikih."

"Ya ora, miki wis magel enggane kon magel maning, ya suka mengke bengi bae, dasare arep tilik sawah bendungane bedah jere. Karepe rika tah iya, liren labuh maning genine dicuncek."

Nini Rikem mesem neng ngarep pawon, kaki Tupon nyruput tege olahane bojone sing segere ora lumrah.

Bersambung....

Dening (Penulis) : Umi Asmarani

Editor : Arbi Anugrah