Cerita Banyumasan, Kisah Nini Sal Rewang Gethengi Jenang Episode 34: Watek Ala

BANYUMAS, iNewsPurwokerto.id - Cerita Banyumasan kali ini menceritakan tentang beberapa warga yang ikut membantu membuat bentukan jenang untuk acara pernikahan. Saat beberapa warga membantu membentuk jenang, nini Sal mulai meng-ghibahi atau membicarakan nini Rikem soal pernikahan Risah. 

Setelah akan selesai membantu membentuk jenang, nini Sal yang hendak pulang diminta nini Rikem untuk mengajak Yatni rewang. Namun di dalam pikirannya, nini Sal menganggap bahwa permintaan nini Rikem tersebut hanyalah bentuk pamer dan hanya akan membandingkan Yatni dengan anaknya.

Baca Juga

Ahmad Tohari Apresiasi Peluncuran Novel Bahasa Penginyongan Kaki Tupon lan Nini Rikem

Cerita Banyumasan kali ini berjudul 'Watek Ala'. Jalan cerita pada episode kali ini adalah lanjutan episode sebelumnya.

Berikut jalan cerita selengkapnya seperti yang dirangkum iNewsPurwokerto.id pada Kamis (15/9/2022):

Sedina deg oleh nini Rikem njenang, mateng sore wong wadon melu sibuk rewang wong lanang gethengi ( membentuk bulatan ). Ana sing dibagikna kanggo tangga teparo, ana sing didelah neng gejobong ( wadah gede terbuat dari bambu ) kanggo persiapan mbaranggawe ngesuk.

Baca Juga

Cerita Banyumasan, Kisah Nini Rikem dan Kaki Tupon Episode 48: Njaluk Sangu

Nini Sal melu rewang gethengi neng lincak mburi."Kie sing agan olih-olih binah lanange ya sing mandan patut, aja ngisin-ngisina."

"Iya Yu..." nini Dar semaur mbari gethengi jenang.

Nini Sal dikon dundum jenang trut umah tangga, nyangking cangkingan karo gendong rinjing.

Baca Juga

Cerita Banyumasan, Kisah Nini Rikem dan Kaki Tupon Episode 47: Rencana Maring Bandung

Nini Sal wong pegaweane mung ngandahna wong, ager mlebu umah wong mesti karo ndopok.

"Yu...kie inyong dikonkon neng mbekayu Rikem, jere kon pada melu rasan." nini Sal ngulungna jenang maring nini Sup.

"Oh iya, kesuwun pisan, inyong melu kon nyipi jenange." semaure nini Sup.

Baca Juga

Cerita Banyumasan, Kisah Nini Rikem dan Kaki Tupon Episode 46: Kiriman Duit

"Deneng kayong gagian golih ngijab, kayong nembe gotekan winginane." nini Sup nampani jenang karo takon.

"Jere sih anu binaeh lanang preine angel, tapi ya mbuh temenane...kadangan neng kana gunane wis bareng ndean mulane digawe cepet."

"Apa iloken kaya kue, anu wis lagi isi mangsude apa?"

Baca Juga

Cerita Banyumasan, Kisah Nini Rikem dan Kaki Tupon Episode 45: Demenan

"Lah buktine age-age diijabna, alesane tentara tah sibuk ora tau prei, wong desa tah gampang dilomboni...jajal bae ngko dideleng wetenge."

"Iloken kaya kue, njajal ngesuk karo nyumbang inyong api-api gleweh bae. Jere besane werna-werna, apa temenan?"

"Kebek sebale, kabeh sing rewang kon mlebu kon weruh gawane, njenang, majik, ngetan ora modal blas mbekayu Rikem ngendelna besanan tok." nini Sal semaur nggandes.

Anane wong sakeloron tambah buket olieh ngandakna wong, nganti ora krasa wis arep wengi nini Sal esih neng umaeh nini Sup.

"Ya uwis Yu, wis wengi kie mbok pada goleti inyong. Angger rika nyumbang ngesuk mlebu pedangan bae ya, inyong megarine ikih."

Nini Sal ngrampungna olieh dundum jenang, nganti ngumaeh nini Rikem wis wengi, sing rewang meh arep pada bali kabeh. Nini Rikem beres-beres neng pedangan mburi karo ngelapi godong.

"Kie jenange sapa ya glethak neng amben, tek gawa bali bae kena nggo mengko bubarane, tek kembulna karo bagian." nini Sal gemrendeng dewekan.

Bagian olieh rewang dilebokna rinjing, sing glethak neng amben ya digawa nini Sal, banjut mlebu ngumah pamit nini Rikem.

"Mbekayu...inyong bali disit ya..." nini Sal pamit bali.

"Iya, kesuwun ya wis direwangi...aja kelalen ngesuk gasik tekane, rika wis diwei jenange apa urung?"

"Iya Yu, ngesuk gasik ngeneh...inyong urung diwei bagian, apa ketriwal yoh Yu..."

"Ya wis ganti maning bae kie, tek tambaih nggo si Yatni karo anake ya, ngesuk Yatni ya kon mgeneh, mbok ana panganan apa ya melu kon mangan neng kene." nini Rikem ngulungi jenang gethengan amba maring nini Sal.

"Iya Yu...kesuwun kie jenange." nini Sal metu karo nggendong rinjing sing isi berkat mau.

Nini Sal trut dalan kandah dewekan gemrendeng, obore modor-modor merga urung ana listrik.

"Yatni kon ngeneh bae ngesuk ya...melas kon melu mangan panganan mbaranggawe." nini Sal nirukna omongane nini Rikem,  banene lambene ngasih menceng-menceng.

"Paling-paling ya arep pamer maring si Yatni, mengko gari moyoki Yatni olih bojo pengangguran, ora sudi inyong...pokoke Yatni ora usah mburu maring umaeh mbekayu Rikem titik."

Nini Sal terus mlaku pinggiran pekarangan karo sawah, ngesuk kudu teka rewang gasing maring mbarangawene nini Rikem.

Bersambung...

Dening (Penulis): Umi Asmarani

Editor : Pepih Nurlelis