Cerita Banyumasan, Kisah Kehidupan Nini Rikem dan Kaki Tupon Episode 7: Bungah Anak pada Kumpul

PURWOKERTO, iNews.id - Pagi-pagi buta nini Rikem sudah memulai aktivitasnya di dapur. Kaki Tupon yang baru keluar dari kamarnya mendatangi nini Rikem. Tampak nini Rikem yang sedang tidak sehat tetap melanjutkan rutinitasnya.

Kisah ini diangkat dari cerita di kehidupan masyarakat Banyumas, kisah kehidupan kaki Tupon dengan nini Rikem. Cerita ini ditulis dengan dialek ngapak Banyumasan atau basa Panginyongan, yang merupakan bahasa Jawa Tengah dari wilayah Barat. 

Baca Juga

Ahmad Tohari Apresiasi Peluncuran Novel Bahasa Penginyongan Kaki Tupon lan Nini Rikem

Dalam cerita Banyumasan kali ini berjudul 'Bungah Anak pada Kumpul'. Jalan cerita Banyumasan ini bersambung setiap episodenya, dan tayang setiap Senin dan Kamis yang ditulis dengan menggunakan bahasa Ngapak.

Dalam cerita bersambung episode tujuh ini, setelah melihat nini Rikem sedang tidak sehat, kaki Tupon menyarankan nini Rikem untuk segera berobat. Di tengah-tengah obrolan mereka, tiba-tiba terdengar suara mobil. Nini Rikem bergegas menghampiri keluar dan benar saja anak-anaknya pulang. Tidak hanya dengan adiknya, Joko turut membawa anak dan istrinya, Wati. 

Betapa bahagianya nini Rikem dan kaki Tupon menyambut kepulangan anak mereka sekaligus menimang cucu mereka. Suasana ruang tengah rumah itu pun seketika diselimuti kebahagiaan yang tak tergambarkan. Sembari berkumpul, mereka pun hanyut dalam suasana canda dan tawa.

Baca Juga

Cerita Banyumasan, Kisah Nini Rikem dan Kaki Tupon Episode 48: Njaluk Sangu

Berikut jalan cerita selengkapnya seperti dirangkum iNews Purwokerto, Senin (30/5/2022):

Esuk-esuk gasik nini Rikem wis labuh adang, banene gebras-gebres wain bae. Kaki Tupon nembe metu sekang senthong karo dandan sarung mereki nini Rikem.

"Ganing apa Yung kayong wain-wain bae kawit mau, apa wingi lagi jikot suluh kudanen sih rika?" 

Baca Juga

Cerita Banyumasan, Kisah Nini Rikem dan Kaki Tupon Episode 47: Rencana Maring Bandung

Kaki tupon jagong neng jengkok karo ngesur suluh.

"Iya koh Maa...nembe butul pereng mburi umah bres udan, tangi turu awake kayong greges, rasane semromomg." semaure nini Rikem.

"Ya mengko suntik bae mbok ke banjur, inyong tek ngundang kaki mantri, ngeneh inyong bae sing ngrampungna rika turonan senthong." kaki Tupon menyat mereki nini Rikem.

Baca Juga

Cerita Banyumasan, Kisah Nini Rikem dan Kaki Tupon Episode 46: Kiriman Duit

"Mengko bae badege rika sing nggeneni, inyong tek gawe sarapan disit." nini Rikem nerusna olah-olah.

Wong sakeloron pada pandeng-pandengan krungu ana swara mobil mandeg ngarep umah.

"Joko apa Maa..." nini Rikem mbalangna centhong karo kusan maring lincak, mbatan githir metu maring njaba. Kaki Tupon melu ngetutna nini Rikem metu.

Baca Juga

Cerita Banyumasan, Kisah Nini Rikem dan Kaki Tupon Episode 45: Demenan

"Tok tok tok... Assalamu'alaikum, kula nuwun..." swara lawang di dodog sekang njaba. Nini Rikem age-age bukakna lawang.

"Inyong bali Yung..." Joko nubruk tangane biyunge mbatan diambung terus ngrangkul. Risah nubruk tangane ramane banjur ngrangkul.

Rasa bungah sing ora bisa diucapna, nini Rikem ngemban putune sing lagi di gendong Wati mantune.

"Mayuh pada mlebu aja pada neng lawang bae." nini Rikem ngejak mlebu maring bale tengah.

Joko mlebu njero senthonge adi-adine, " Paijo, Denok...kie Kakang bali..."

Paijo karo Denok pating kelelet pada ora ngandel kakange bali. 

"Bali kapan, Kang..." Paijo tangi langsung salaman karo kakange. Banjur Denok ya nututi salaman karo kakange. Kakang karo adi pada rangkul-rangkulan saking bungaeh bisa kumpul maning karo adi-adine.

Joko, Paijo Denok pada metu maring bale kumpul neng bale kabeh. Salaman karo mbekayu Risah, karo Wati mbekayu ipe. Wati kelairan Bandung ningen turunane wong Banyumas, wong gedene neng Bandung ya ora bisa ngomong cara Banyumasan. Wati gur bisa mesam-mesem tok melu bungah.

"Yung, karone urung ditapungna mau, mbok dandange sat." kaki Tupon ngelingna nini Rikem sing arep napungna karon wurung mau jalaran krungu ana swara mobil.

"Walah iya, Maa...deneng inyong kelalen lap, ora kemutan lagi adang." nini Rikem langsung menyat arep mlebu pedangan, tapi sing Risah wis menyat disiti.

"Belih inyong bae Yung, rika kene bae." Risah maring pedangan napungna karon.

"Mengko pada sarap kene disit, bar kue nembe pada maring umaeh dewek. Saben dina ya tek rikati, tek pel ben ora reged."

"Ujarku sih rika sing genoih dadi umaeh anget, Paijo karo Denok ya sekolaeh ora kadoen mlebu ndesa."

"Mbesuk bae, angger ko wis pada bali ngeneh...siki esih betah neng umaeh dewek."

"Ya wis karepe rika bodoa sing penting bungah."

"Maa...kae neng ngisor meja pedangan ana gedang, gawakna ngeneh kena nggo medang." 

Kaki Tupon mlebu pedangan jikot gedang, banjur di sandingna neng meja bale umah.

"Hayang cau Aa..." Wati nawani gedang maring anak lanange.

"Udu cau, kue gedang...gedang ambon." nini Rikem genahna maning maring mantune.

"Iya, kue gedang..." kaki Tupon melu numpangi.

"Mah, cau itu gedang kalau di sini..." Joko nggenahna maning maring wadone.

"Oh, Wati teu ngarti."

"Ari ieu naon Mak..." Wati nidokna emblem lewian sore esih neng piring.

"Udu naon...kue emblem..." nini Rikem semaur karo jikot emblem.

Joko ngguyu wong kandaeh Wati karo biyunge gawe guyu. Kaki Tupon ya melu ngguyu senajan ora ngerti mangsude.

"Wati takon kue panganan apa Yung..." Joko semaur esih karo ngguyu.

"Lha iya, inyong wis njawab udu naon tapi emblem..." nini Rikem esih ngeyel ujare bener.

"Ohh...naon sih apa?" nini Rikem mbalik takon.

"Naon genah apa..."Joko nerangna maning wong biyunge katon bingung.

Wong se bale pada ngguyu kabeh, Risah metu maring njaba melu ngguyu senajan ora ngerti apa sing lagi dadi guyon.

"Oalah jan...inyong ya ora ngerti, kue mengko kudu diwaraih kon basa Banyumasan, Joko...dadi inyong karo ramane ora bingung yoh Maa..." nini Rikem ngadep maring kaki Tupon.

"Iya kudu bisa mengko-mengkone, wong inyong wong bodo ora teyeng ngomong cara sunda." kaki Tupon melu semaur.

"Iya, Yung, Maa...mengko angger wis sue ya mesti teyenge." 

Rasa bungah sing ora bisa diukur, mriange nini Rikem kayong mari. Ngumpul neng bale karo medang emblem, panganan lawas sing Joko sue ora mangan. Wati sing udu wong kene banene mung nyipi tok kayane ya ora doyan.

Bersambung....

Dening (Penulis) : Umi Asmarani

Editor : Arbi Anugrah