Cerita Banyumasan, Kisah Kehidupan Nini Rikem dan Kaki Tupon Episode 8: Plesir Maring Moll

PURWOKERTO, iNews.id - Kisah kehidupan kaki Tupon dengan nini Rikem berlanjut. Betapa bahagianya nini Rikem dan kaki Tupon menyambut kepulangan anak mereka.

Tak hanya pulang ke kampung halamannya, Joko sebagai anak yang sukses di kota besar ingin mengajak orang tuanya jalan-jalan ke kota. Akhirnya, mereka serombongan keluarga pun bertolak mall yang ada di Purwokerto. 

Baca Juga

Ahmad Tohari Apresiasi Peluncuran Novel Bahasa Penginyongan Kaki Tupon lan Nini Rikem

Maklum, kala itu nini Rikem tak sempat melihat pemandangan Ibu Kota, Jakarta karena mabok perjalanan. 

Dengan gaya polos ala orang pedesaan nini Rikem merasa asing dengan pemandangan yang ada di mall. Kendati demikian, anak-anaknya hanya tersenyum simpul melihat tingkat ibunya keheranan.

Dalam cerita Banyumasan kali ini berjudul 'Plesir Maring Moll'. Jalan cerita Banyumasan ini bersambung setiap episodenya, dan tayang setiap Senin dan Kamis yang ditulis dengan menggunakan bahasa Ngapak.

Baca Juga

Cerita Banyumasan, Kisah Nini Rikem dan Kaki Tupon Episode 48: Njaluk Sangu

Berikut jalan cerita selengkapnya seperti dirangkum iNews Purwokerto, Kamis (2/6/2022):

Joko karo Wati lagi mlaku-mlaku muteri desane dewek, neng sanding umaeh dewek ketemu karo Kaki Parta. Joko mereki Kaki Parta terus salaman. "Sekang ndi Man...kayong gasik, wayah wene wis bali adol gula." 

"Eh, iya kie...ko sih bali ngeneh kapan?" Kaki Parta salaman karo nepuk pundake Joko.

Baca Juga

Cerita Banyumasan, Kisah Nini Rikem dan Kaki Tupon Episode 47: Rencana Maring Bandung

"Wingi Man...mandan sue ora ketemu Ramane karo Biyunge, si Risah ya mumpung lagi ana preian."

"Oh, ya yaa...ya ayuh dolan meng gubuge pamane, wis perek ikih." Kaki Parta aseng Joko kon mampir umaeh.

"Iya Man, ngko nek ngliwati ngonoh tek mampir." 

Baca Juga

Cerita Banyumasan, Kisah Nini Rikem dan Kaki Tupon Episode 46: Kiriman Duit

Seuwise Kaki Parta lunga, Wati takon maring bojo. " Aa...eta saha, sedulur jeng Bapak atau Emak?"

"Sedulur Bapak, Neng...latihan pakai bahasa ngapak ya, nanti lama-lama pasti bisa, kalau panggil Aa, Mas aja ya..." Joko mandeg karo nyekel pundake bojone aweh pengertian ben ora kesinggung.

"I-iya Mas...kadang suka kelupaan." semaure Wati.

Baca Juga

Cerita Banyumasan, Kisah Nini Rikem dan Kaki Tupon Episode 45: Demenan

"Ya wis ayu pada bali, Biyunge karo Ramane wis pada siap kayane." Joko ngejak bali bojone.

Kaki Tupon karo Nini Rikem wis pada siap nganggo klambi apik. Dina siki Joko ngejak wong tuane plesir maring kota. Nini Rikem pengin maring Moll, ndeleng tangga jalan. Sa jeg jumbleg urung tau weruh sing arane tangga jalan, ganu pas maring Jakarta deweke lagi mabok dadi ora gelem ngendi-ngendi.

"Wis pada siap kabeh kie..." Joko teka langsung mlebu ngumah jikot kunci mobil.

Seuwise mlebu mobil kabeh, Joko nguripna mobil, ngucap Bimillah.

"Mengko disit, inyong PPO ne keri ndean kie..." Nini Rikem age-age arep mudun sekang mobil jikot PPO.

"Uwis neng sak e inyong kie..." semaure Kaki Tupon.

"Jaman siki koh esih mabokan rika tah, Yung...Yung..." Paijo banene ngece karo biyunge. Wong semobil pada ngguyu kabeh.

"Wis siap ora nana sing keri maning mbok kie..." Joko takon maning genahna.

"Uwis kabeh Kang..." Denok semaur.

Joko nguripna mobil terus mlaku londogan metu sekang pekarangan umaeh Joko. Panggonan sing arep dituju maring Moll sing ana tangga jalane disit, merga biyunge pengin banget mlaku neng tangga jalan.

Purwojati maring Purwokerto sejam nembe butul, lumayan adoh. Seuwise butul maring Moll, Joko markirna mobil.

"Mayuh pada metu kabeh, biyunge ora mabok mbok..." Joko metu sekang mobil mbukakna lawang mobil mburi.

Nini Rikem karo Kaki Tupon medun sekang mobil gumun weruh gedong duwur apik pisan.

"Kie sing arane Moll, apa bae ana Joko..." 

"Iya, Yung...Rika pengin tuku apa mengko gari ngomong bae, ora usah rikuh karo anak. Wong tua seneng inyong melu bungah Maa, Yung..." semaure Joko karo ngetutna keluwargane mlaku mlebu Moll.

Nini Rikem mlaku ndisiti pengin banget weruh tangga jalan. Seuwise butul tangga jalan nini Rikem nguculi srandal mbanjutan di cangking.

"Ora usah dicopot srandale, dinggo bae Yung." Risah nganggokna srandale biyunge maning.

"Mlestere alus pisan, inyong mbok kepaduk neng tangga jalan kue, anu srandale anyar angel di nggo dasare." nini Rikem wegah nganggo srandal. Tapi Risah nglirih-ngliriih konn dinggo bae, mbanjutan nini Rikem ya manut mbok ngisin-ngisina anake.

Nini Rikem kon njigrang munggah tangga jalan ora wani bae, Joko maju disit mapag biyunge mbok ngasih tiba.

"Hualaah...numpak tangga jalan ngasih gobyos kaya kie." nini Rikem karo Kaki Tupon wis bisa munggah. Tangane cekelan kenceng mbok tiba.

"Mlaku dewek temenan yoh kie, sing nggered iloken gajah kanan-kanane..." nini Rikem gumun, liane pada ngguyu kabeh.

"Sing nggered ya alat canggih, mesin Yung...udu kaya wong mluku digered kebo.

"Oh ya yaa...kie wis enggal butul nduwur, inyong di pancak mbok tiba." 

Joko mlaku disit ngadangi biyunge arep jigrang.

Kaki Tupon gur mesam-mesem tok weruh bojone digodogi neng anak-anake. Nyatane Kaki Tupon rumangsa ora tau nggawa wadone lungan adoh. Weruh apa bae sing neng Moll ya gumun.

"Apa bae larang neng kene tah, eman-eman duite nggo tuku neng Toke gula bae murah, Joko..." nini Rikem ngungun merga regane larang-larang.

"Ya ora papa sekali-kali Yung..." Risah numpangi omongan.

Senajan wong tuane nggawe isin neng Moll, anak-anake ya gur mesam-mesem tok ndeleng tingkaeh nini Rikem sing gumunan.

Bersambung....

Dening (Penulis) : Umi Asmarani

Editor : Arbi Anugrah