Cerita Banyumasan, Kisah Kehidupan Nini Rikem dan Kaki Tupon Episode 11: Nginep Neng Hotel

PURWOKERTO, iNews.id - Masih melanjutkan cerita Kaki Tupon dan Nini Rikem serta keluarganya, usai beberapa waktu lalu piknik keluarga ke Baturraden, nini Rikem dan kaki Tupon beserta keluarganya kembali bertamasya ke kota Istimewa Yogyakarta. Kali ini, tujuan mereka ke sana berangkat dari kegelisahan nini Rikem yang mengatakan pada Joko bahwa ia ingin menemui kakaknya yang ada di Jogja.

Tanpa perlu menunggu waktu lama, mereka pun bersiap dan segera berangkat. Sebelum menuju rumah sang kakak, nini Rikem sekeluarga berkeliling kawasan Malioboro. 

Baca Juga

Mayat Pria Ditemukan Tertindih Motor di Saluran Irigasi, Diduga Sudah Tewas 3 Hari Lalu

Malam harinya, merekapun menginap di suatu hotel. Di sana, nini Rikem heran dengan peralatan yang ada di hotel. Maklum, ini kali pertamanya nini Rikem dan kaki Tupon menyambangi hotel.

Cerita Banyumasan kali ini berjudul 'Nginep neng Hotel'. Jalan cerita Banyumasan ini bersambung setiap episodenya, dan tayang setiap Senin dan Kamis yang ditulis dengan menggunakan bahasa Ngapak.

Berikut jalan cerita selengkapnya seperti dirangkum iNews Purwokerto, Senin (13/6/2022):

Baca Juga

Video Live Kereta Api Argo Semeru Anjlok di Kulonprogo

Joko karo Risah bungah weruh biyunge nganggo daster anyar, kalung karo gelang anyar. Joko manggon neng umaeh dewek, nini Rikem karo kaki Tupon ya manggon neng umaeh dewek.

Wingi bengi nini Rikem rasan maring Joko pengin tilik mbekayune sing neng Jogja, neng Joko kayong dadi pikiran. Sore-sore Joko maring umaeh biyunge, ngrempug rencana maring Jogja. Si Paijo karo Denok sing kawit wingi nginep umaeh Joko, melu pada bali.

Seuwise butul ngumaeh biyunge, Joko takon maring biyunge.

Baca Juga

Kereta Api Argo Semeru Surabaya Gubeng-Gambir Anjlok Antara Stasiun Sentolo-Wates

"Yung, kayong wingi rika rasan pengin tilik umaeh mbekayune, mumpung inyong lagi bali mayuh tek jujugna maring nganah karo plesir sisan gawe." Joko takon biyunge sing lagi pada juguran neng pedangan.

Nini Rikem karo kaki Tupon pating pentheleng, kayong katon bungah tapi mestine ora kepenak maring Joko.

"Kapan-kapan bae, mbok ko kerjane keri neng kantor." semaure nini Rikem.

Baca Juga

Mengapa Pencemaran Udara di Musim Kemarau Lebih Tinggi? Ini Kata Ahli 

"Ora Yung... inyong mangkate minggu sore, ager rika siap sore kie mangkat maring Jogja."

"Lah, ya urung gawe kupat, arep sangu apa sih mengko, mbeleh jago wido ne bae apa yoh..." nini Rikem takon maring ramane.

"Ora usah mikir sangu panganan, neng ndalan panganan bera. Ya wis, inyong bali disit siap-siap. Rika ya siap-siap nggawa ganti klambi." Joko pamit bali ngumah.

Baca Juga

Pendarahan Otak, Begini Kondisi Cak Nun Terkini 

Nini Rikem tata-tata klambi sing mandan apik di lebokna tas. Sauwise adus mbanjur dandan, nganggo klambi anyar. Ora ganti sue Joko teka ngga bojo karo adi-adine. Nini Rikem karo kaki Tupon sing wis siap kawit mau langsung bae cemplak munggah maring mobil.

Wis antimo an, sangu PPO sangu kresek, wong mbok mabok maning. Neng njero mobil pada gubes ning bungah karo anak putu. Ora krasa wis wis butul maring Jogja kota.

"Yung, maring umaeh Uwane ngesuk bae ya, siki plesir-plesir disit, mengko nginep neng hotel bae dadi ora rikuh maring Uwane."

"Ya bodoa ko ngonoh, inyong tah dadi barang bae." semaure nini Rikem.

Wengi-wengi pada mlaku neng Malioboro, terang sore rame banget wong pada mlaku karo jajan. Ana sing borong klambi, ana tontonan kenthongan, pokoke nini Rikem karo Kaki Tupon bungah pisan. Joko ngejak numpak dokar keliling, merga wis ora kuat mlaku adoh.

Seuwise keliling, Joko ngejak wong tuane maring hotel. Joko nyewa kamar telu, nggo ramane karo biyunge, nggo adi-adine dadi siji, banjur nggo deweke karo wadone.

Nini Rikem karo nini Tupon nembe ngambah sing arane hotel, Joko jujugna wong tuane mlebu kamar hotel.

"Yung, mbok ora teyeng nganggone alat neng kamar mandi mengko nunggu inyong bae, ana banyu angete nggo adus, ana teko sing bisa nggo nggodog wedang dewek mbarang. Mengko ya inyong njujugna Wati maring kamar disit." Joko lunga metu sekang kamare biyunge.

Nini Rikem wonge mandan ndlesek, serbane pengin ngerti, wonge ya sok keminter. Kaki Tupon gur ndelengna wadone sing sibuk pengin adus neng kamar mandi hotel.

"Ramane... ngeneh mlebu, kie sing nggo nganu apa miki yoh, jere Joko ana banyu angete metu dewek. Iloken di pejet apane miki." nini Rikem karo tal-tul kran sing neng njero kamar mandi.

"Inyong ora ngerti Yung, mbok bodol mengko ketempuan. Inyong tah ora melu-mely ngonoh."

"Lah wong lanang koh cemen temen rika tah, angger ora blajaran ya ora ngerti-ngerti mengko. Kie anu gelas koh neng njero kamar mandi, ana sikat karo odol cilike nggo sikatan ndean yoh Maa...kayane kran kie kudu di dengkek ben metu banyu angete."

"Iya ndean, aja cag-ceg kaya kue...mbok bodol. Ngonoh angger bodol udu ganing inyong tapi ganing rika" kaki Tupon kesuh merga nini Rikem apa bae dicekel.

"Bener kie, di tunyuk banyune metu, di dengkek maring ondol-ondol abang dadi anget banyune."

Wong loro pada gubes neng kamar mandi, Joko dodog-dodog lawang sekang njaba. Nini Rikem mbukakna lawange sekang njero, banjut Joko mlebu nidokna carane nggodog banyu karo teko listrik.

"Joko...kie anu alat apa ngethapel neng tembok kamar mandi..." nini Rikem celuk-celuk sekang kamar mandi.

"Oh, kue wadah sabun sisan nggo sampoan...nah kie hair dryer sing nggo nggaringna rambut angger rika bar sampoan." Jojo njelasna maring biyunge.

"Oh, ya yaa...inyong wis ngerti kabeh, nganah ari ko arep mlebu kamare dewek." nini Rikem katon kementhus, ning Joko ya gur mesem tok, genah biyunge dewek ya anu wis apal wateke. Senajan ngeyel, keminter ning anu cokan mandan bener.

Joko metu sekang kamare biyunge, mlebu kamare dewek. Nini Rikem langsung kemlithak arep adus dewek, kaki Tupon gur ndelengna tok ndeleng tingkah polaeh wadone.

Bersambung....

Dening (Penulis) : Umi Asmarani

Editor : Arbi Anugrah