Cerita Banyumasan, Kisah Kehidupan Nini Rikem dan Kaki Tupon Episode 16: Adol Gula

BANYUMAS, iNews.id - Melanjutkan cerita Banyumasan antara nini Rikem dan kaki Tupon. Di mana ketika nini Rikem menjual gula di tempat pak Kirwan, ia malah bertemu dengan nini Sal. 

Seperti biasa, Nini Sal memang suka pamer. nini Rikem panas hati karena melihat banyak barang yang dibeli. Apalagi nini Sal mengenakan gelang emas.

Baca Juga

5 Desa di Banyumas Gelar Umbul Doa dan Yasinan untuk Pilkada yang Damai

Sampai di rumah, nini Rikem uring-uringan. Bahkan, suaminya kaki Tupon tidak berani mendekat daripada kena marah.

Kisah ini diangkat dari cerita di kehidupan masyarakat Banyumas. Salah satunya dengan dialek ngapak Banyumasan atau basa Panginyongan, yang merupakan bahasa Jawa Tengah dari wilayah Barat. 

Bahasa Jawa dialek Banyumasan terkenal dengan cara bicaranya yang khas. Dialek ini disebut Banyumasan karena dipakai oleh masyarakat yang tinggal di wilayah eks-Keresidenan Banyumas.

Baca Juga

Sadewo Tri Lastiono Dikukuhkan Jadi Ketua Yayasan Amanah Nusantara Peduli

Cerita Banyumasan kali ini berjudul 'Adol Gula'. Jalan cerita Banyumasan ini bersambung setiap episodenya, dan tayang setiap Senin dan Kamis yang ditulis dengan menggunakan bahasa Ngapak.

Berikut jalan cerita selengkapnya seperti dirangkum iNews Purwokerto, Kamis (30/6/2022):

Gula wis rampung dititis (cetak), nini Rikem adus neng sumur mburitan umah. Kaki Tupon natani gula sing wis adem maring njero tenggok. Seuwise rampungan tenggoke disiapna neng bale, wis siap arep di dol nang Nini Rikem.

Baca Juga

Tajamkan Strategi, Paslon Sadewo-Lintarti Gelar Rapat Pemantapan Tim Pemenangan

"Wis adem sih gulane deneng diwadaih." Nini Rikem takon maring kaki Tupon.

"Uwis, kae neng bale gari nggendong tok, kuat mbok nggawa semeno."

"Ya kuat Ramane, aja maning nggawa tenggok semono, nggendong rika bae kuat."

Baca Juga

HIPMI Banyumas Gelar Fun Mini Soccer Tournament

"Iya, ora kemutan rika wong kuat, ben wengi be ora krasa abot senajan inyong lemu...wis kingana selek udan kae wis gemlundung gluduge." 

"Iya kie lagi klamben disit, kie aku adol maring umaeh pak Kirwan apa sing perek bae."

"Sing perek bae yakena anu sepetit ikih, ora dipotong utang mbok."

Baca Juga

Dukung Program Presiden Prabowo, Polresta Banyumas Tebar 20 Ribu Ikan di Baturraden

"Bakul perek tah ora due utang, dasare arep nggo becer warung sisan mengko baline. Ya wis inyong mangkat disit, kae blukange dipereti delah nduwur pawon, klarine sisan nggawe delah neng gubug mburitan dadi angger udan wis ayem." Nini Rikem aweh tugas maring bojone.

"Iya mengko Yung, ketanggungan udude urung rampung, payunge mbok keri kue."

Nini Rikem nggendong tenggok, nyangking payung mbanjur mangkat adol gula. Nini Rikem wonge cekat-cekot, ora klalar-kleler, uripe ya sederhana ngranapi mburine ora nana. Kurang lewih setengah jam mlaku, Nini Rikem butul maring umaeh bakul gula.

"Kayong gulane lagi maen terus rika Bi...apa rahasiane kie." bakule gula takon.

Nini Rikem sing wonge blakasuta njawab apa anane." Ya dilaroni kaya biasa, golih dadi apik kayane nggenenine bareng karo Ramane terus." nini Rikem semaur karo mesem.

"Iya bener dadi gulane maen terus ya kue."

Seuwise di nota gulane dibayar, mbanjut sisan gawe becer. Ora di nyana neng kono ketemu karo nini Sal sing lagi becer akeh. Katon brengkut becerane werna-werna, nini Rikem mung ndelengna tok weruh becerane nini Sal akeh.

"Deneng sing adol gula rika udu Kang Tupon, mbekayu..." nini Sal takon karo njujung tangane sing isi gelang kemrompyong.

"Adol gula sepethit kie, angger akeh tah ya ramane." nini Rikem sante bae golih semaur, ora panas ora barang weruh gelang kemrompyong merga ngerti duit sing nggo tuku golih adol gabah.

"Mayuh bali bareng, dadi ana batire." Nini Sal ngulungna tangan ngaseng bali bareng mbari nguja kon gelang sing akeh katon.

"Mayuh, inyong ya wis rampungan ikih."

Nini Rikem karo Nini Sal bali bareng trut pinggiran sawah. Nini Sal sing lagi pamer werna-werna mung dirungokna tok. Siki nini Rikem ora mempan merga wis ngerti wateke Nini Sal cokan pamer.

"Mampir ngumah disit ayuh, inyong due gathot wis tek urab kae mau." nini Rikem aseng Nini Sal dikon mampir ngumaeh.

"Kesuwun mbekayu...inyong ya wis olah-olah akeh kae mbok ora ke pangan, Si Diwan mengko arep mangkat maring kos-kos ane neng Purwokerto." Nini Sal semaure semu nggaya.

"Oh, iya...ya kon ngati-ati kue Si Diwan." Nini Rikem menggok maring latare dewek wong umaeh lewih perek.

Nini Rikem mlebu maring ngumah weruh Kaki Tupon nembe rampungan ringkes-ringkes suluh. Jajane Kaki Tupon nggo ngiseni slepa sing suwung di sandingna nang inggir meja.

"Nini Sal lah dadi wong koh pamer pisan, apa-apa di pamerna, kupinge inyong risih nggrungokna." nini Rikem njagong neng Risban.

"Pamer apa maning sih Yung, ya gari dirungokna mbok, rika ora usah panasan dadi wong."

"Inyong ora panas ningen blenger, emas inyong due akeh kae nggo ngapa inyong panas, Maa..."

"Ora panas ning kesuh ya ora beda."

"Mbuh lah rika maning sih..." nini Rikem banene kesuh ora trima di waraih bojo, anggepane dewek bener pisan.

"Bar adol gula kudune asoy-asoy malah bali mbesengut, ujarku bali adol gula mumpung bocaah lagi dolan, dilabuih Yung...Yung..."

"Halah rika maning sih, tanduk bae tembungane, apa ora kesel esuk, sore, awan, bengi..mbok beyekane nyangkreng ngesuk ora teyeng nderes ketungkul nderesi sing neng ngumah bae."

"Genah nggo ngobati beyekan nyangkreng jere koh, dadi esuke bregas golih nyambut gawe." kaki Tupon semaur karo nylimur.

Nini Rikem mbari kesuh egat-egot mlebu maring senthong ndelah duit adolan gula. Kaki Tupon ora wani ngetutna mbok andon di gentak neng wadone wong katone arep ora diwei.

Bersambung....

Dening (Penulis) : Umi Asmarani

Editor : Arbi Anugrah