Cerita Banyumasan, Kisah Kehidupan Nini Rikem dan Kaki Tupon Episode 20: Padu

BANYUMAS, iNewsPurwokerto.id - Cerita Banyumasan kali ini masih melanjutkan perseteruan suami isteri yakni kaki Parta dan nini Sal. Di mana sebelumnya nini Sal ke pasar cemburu saat melihat kaki Parta sarapan di warung nini Sidah.

Cemburunya nini Sal menjadi-jadi. kaki Parta yang merasa tidak memiliki hubungan apa-apa dengan nini Sidah marah besar. Keduanya sempat geger di jalan, hingga akhirnya dipergoki kaki Tupon.

Baca Juga

Ahmad Tohari Apresiasi Peluncuran Novel Bahasa Penginyongan Kaki Tupon lan Nini Rikem

Cerita Banyumasan kali ini berjudul 'Padu'. Jalan cerita Banyumasan ini bersambung setiap episodenya, dan tayang setiap Senin dan Kamis yang ditulis dengan menggunakan bahasa Ngapak.

Berikut jalan cerita selengkapnya seperti dirangkum iNews Purwokerto, Senin (18/7/2022):

Kaki Parta bukak lawang ngasih njeblag, nini Sal sing njagog neng risban meneng bae karo ngos-ngosan jalaran esih kesuh. Kaki Parta wis keliwat kesuh merga nini Sal nyusul pasar nuduh sing ora-ora.

Baca Juga

Cerita Banyumasan, Kisah Nini Rikem dan Kaki Tupon Episode 48: Njaluk Sangu

"Inyong wong lanang pegaweane pahal, ngempani anak bojo, tapi angger rika selalune kaya kie inyong ora kuat Yung. Pirang dina bae rika mutung, ora gelem rewang, ora nggawekna inyong sarapan, inyong nrima merga rika lagi kesuh maring inyong. Salaeh inyong ngapa Yung, inyong kencot mangkat pasar urung sarap, malah rika nyusul andon gawe wirang inyong neng pasar."

"Rika ngomong apa anane jajal, rika seneng apa ora maring nini randa bakul rames kae miki!!" nini Sal wegah kalah.

"Gusti Allah Yung...Yung...kudu kari apa maning inyong njelasna, warung rames sing perek mung nggone nini Sidah, mol enggane inyong kencot digawa bali...urung kinaruan rika masakna nggo inyong." kaki Parta mencak-mencak neng ngarepe nini Sal saking emosine.

Baca Juga

Cerita Banyumasan, Kisah Nini Rikem dan Kaki Tupon Episode 47: Rencana Maring Bandung

"Inyong pengine Rika ora usah dagang wedhus maning titik!!" 

"Mengko angger rika jalukane werna-werna inyong ora bisa nukokna rika aja mutung! Enggane mandan ngaji karo mbekayu Rikem kae, isin inyong Yung...gegoh ora nana gunane koh meh saben ndina."

"Pokoke angger rika ora nuruti inyong berati rika demen maring nini Sidah!"

Baca Juga

Cerita Banyumasan, Kisah Nini Rikem dan Kaki Tupon Episode 46: Kiriman Duit

"Mumet inyong due bojo kaya rika, ngonoh kae di deres dewek inyong arep lunga, ora usah digoleti!" kaki Parta ora mung ngancam tok. Menyat jikot jaket karo topi sing cemanthel mbanjur metu ngumah.

"Ya aja kaya kue Bapane...aja lunga, kae pongkore wis di laroni koh." nini Sal ngetutna kaki Parta metu.

"Ora, inyong wis kesel urip karo rika, ngonoh karepe rika bodoa."

Baca Juga

Cerita Banyumasan, Kisah Nini Rikem dan Kaki Tupon Episode 45: Demenan

Kaki Parta sing wis kadung kesuh, mlaku terus ora ngrungokna nini Sal sing mlayu nguber karo kemrewek. Neng ndalan papagan karok kaki Tupon bali nderes karo mikul pongkor sing kebek isi badeg.

"Lagi pada apa-apaan sih kue uber-uberan, ora isin ditonton tanggane kaya kue." kaki Tupon mbendok kaki Parta kro nini Sal.

"Kae Kang...bapane lagi demenan karo wong ora gelem ngakoni." semaure nini Sal gawe atine kaki Parta tambah medegel. Barang ora nyata koh di kandah-kandahna maring wong.

"Plaakkk...plaaakk!!" kaki Parta nampong pipine nini Sal kiwe nengen.

"Aja kaya kue, mandeg...sing aso, aja pada antem-anteman neng dalan. Bali ngumah bae maning, aja karo kesuh kaya kie. Aja ngasih tangan temandang, ora kena...wong jejodoan kue akeh cobaane, bali disit ayuh." kaki Tupon ngedunna pongkor misah antara wong sakeloron kue.

"Dasar wong wadon ora nana ngertine, saben ndina mung isine gela ora nana santrane. Inyong kesel Kang ngurusi wong wadon kaya kue. Inyong dodolan wedhus ya duit bruk kabeh koh malah nuduh sing ora-ora, apa inyong ora kesuh." 

"Bapane ora gelem waleh, unggal maring pasar mesti sarapan neng warunge nini randa Kang..." nini Sal esih nyrengkeng.

Kaki Tupon aseng kon pada bali maning aja gegoh neng ndalan. Nini Sal nyekeli pipi karo nangis, kaki Parta ngetutna kaki Tupon.

Kaki Tupon ninggalana pongkore neng dalan jujugna kaki Parta karo nini Sal bali ngumah. Nini Sal wis ora kemrewek maning trut dalan, mlaku ngetutna kaki Tupon. 

Kabeh wong wadon ndueni rasa cemburu, ningen cemburu ora nana asal usule ya arane cemburu buta. Di rampungna bareng karo pikiran sing adem ben ora tambah ndadrah.

Bersambung....

Dening (Penulis) : Umi Asmarani

Editor : Arbi Anugrah