Cerita Banyumasan, Kisah Kehidupan Nini Rikem dan Kaki Tupon Episode 21: Wawuan

"Urip tentrem kue dasare neng ati karo pikirane dewek, Sal...angger pikirane gemrungsung bae ya ora nana ayeme."

Kaki Tupon maraih werna-werna, ben nini Sal mudeng. Wis ana se jam dadi wasite kaki Parta karo nini Sal, kaki Tupon pamit bali.

Baca Juga

Cerita Banyumasan, Kisah Nini Rikem dan Kaki Tupon Episode 46: Kiriman Duit

"Ya uwis inyong arep bali mbok badege ngumpruk." kaki Tupon pamit bali.

Siki nini Sal wis adem, pikirane mulai tenang. Kaki Parta wis ora dadi bakul wedhus maning. Nini Sal mereki kaki Parta sing esih njagong neng risban.

"Inyong njaluk ngampura Pa...inyong tresna karo rika mulane inyong kesuh angger krungu ana omongan randa neng kupingku. Rika esih kencot ya Pa...inyong miki wis matengan kae, arep mecak kecombrang ya ana." nini Sal mulai ngrayu. Kaki Parta esih adol larang maring nini Sal, api-api ora ngarah omongane nini Sal sing lagi ngrayu.

Baca Juga

Cerita Banyumasan, Kisah Nini Rikem dan Kaki Tupon Episode 45: Demenan

"Iya...inyong wis wareg, ganing omongane rika." Kaki Parta mbukak kupluk njiot duit banjur diwehna maring nini Sal.

"Iya Pa...wis aja dilabuih maning, inyong ya pengin kaya mbekayu Rikem, esuk-esuk esih kaya laron...dewek tah ora tau mbok Pa...pirang ndina kie rika turune ngleder dewekan neng risban, inyong pelang-pelong dewekan neng amben senthong. Apa iya rika ora katisen neng risban mung sarungan tok." nini Sal mulai nglendot neng pundake kaki Parta.

"He em...ngalih, inyong adus disit esih mambu wedhus." kaki Parta lunga adus, nini Sal ngaca ganti daster sing apik.

"Wong lanang tah obate gampang, jengkela kaya ngapa angger arep diwei ya langsung githir." jero menenge nini Sal karo mesem.

"Kie klambi gantine, Pa...tek delah kenap ya..." 

Editor : Arbi Anugrah