Cerita Banyumasan, Kisah Kehidupan Nini Rikem dan Kaki Tupon Episode 36: Mbaranggawe

BANYUMAS, iNewsPurwokerto.id - Cerita Banyumasan kali ini melanjutkan dari episode sebelumnya yaitu mengisahkan acara pernikahan Risah. Banyak tamu berdatangan di pernikahan Risah, salah satu yang datang adalah nini Sup.

Nini Sup dan para warga lainnya membantu di dapur mempersiapkan makanan untuk para tamu. Saat bersalaman maju ke panggung pernikahan, nini Sup mengatakan sesuatu yang tidak enak kepada Risah. Namun Risah menyangkalnya dan diisaratkan diam oleh nini Rikem. 

Baca Juga

Ahmad Tohari Apresiasi Peluncuran Novel Bahasa Penginyongan Kaki Tupon lan Nini Rikem

Cerita Banyumasan kali ini berjudul, 'Mbaranggawe'. Bersambung dari episode sebelumnya, cerita Banyumasan tayang setiap Senin dan Kamis.

Berikut jalan cerita selengkapnya yang dirangkum oleh iNewsPurwokerto.id pada Kamis (29/9/2022), selamat membaca:

Esuk-esuk srengengene menthereng, swara sender sing digantung nang wit klapa wis mulai di stel. Risban karo dingklik wis rapih ditata, emper umah ya wis ditratag nganggo tenda.

Baca Juga

Cerita Banyumasan, Kisah Nini Rikem dan Kaki Tupon Episode 48: Njaluk Sangu

Pedangan wis rame wong pada rewang, nini Sal, nini Dar, nini Tas, nini Dinah lan esih akeh maning.

Wong nyumbang wis ndilir sekang ngendi ora, merga nini Rikem ora tau mbaranggawe, dayoeh dumpyuk. Bocah-bocah sing wis mandan gede pada rewang nampani tromol karo ngiseni olih-olih.

Pawon ora liren golih olah-olah, tukang godong wedang ya ora nana mandege. 

Baca Juga

Cerita Banyumasan, Kisah Nini Rikem dan Kaki Tupon Episode 47: Rencana Maring Bandung

Risah, nini Rikem, karo kaki Tupon pada njagong neng ngarep nyambi nemoni tamu. 

"Tambah ayu bae yoh, binah bojo urung teka ngeneh apa Yu..." nini Sup takon karo salaman.

"Mengke sore rombongan penganten nembe pada teka Bi, ujarku rika melu rewang malah lagi sibuk dewek."

Baca Juga

Cerita Banyumasan, Kisah Nini Rikem dan Kaki Tupon Episode 46: Kiriman Duit

"Iya, ngampura ya...lagi direwangi gawe gople nggo kandang pawon, inyong kesuwun wis nyipi jenange, jan enak pisan akeh beras ketane ndean mulane kemenyil pisan."

"Iya, Bi...ya ayuh nyambi medang kinganah, mbok arep tilik pedangan ya gari mlebu bae."

Nini Sup ngusap pundak karo wetenge Risah. "Lemu ko siki yoh Sah, wetenge katon gede." omongane mandan nylekit, Risah bingung, wong awak ya ajeg, weteng ya ora gede koh diomong lemu.

Baca Juga

Cerita Banyumasan, Kisah Nini Rikem dan Kaki Tupon Episode 45: Demenan

"Awaku jarku biasa bae, kawit ganu ya semene bae koh..." 

Nini Rikem ndulit tangane Risah kon aja dilanjutna olieh ngomong. Risah langsung paham mangsude biyunge golih ndulit tangan kue anu kode.

"Inyong arep ndeleng pedangane ya, jere mbekayu Sal dadi megari neng mburi." nini Sup ngeculna tangan sing mikine nyekeli tangane Risah.

Nini Sup githir mlebu maring pedangan, neng njero weruh nini Sal lagi dikut mbunteli olih-olih. 

"Dayoeh elur kaya semut, ya rika tangane gapeh ora teyeng liren acan ndean." nini Sup jagong neng amben njejeri nini Sal.

"Eh, rika deneng...ngeneh ngrewangi inyong disit kie." nini Sal ngulungna godong jati karo godong temen nggo buntel janganan.

"Rika tek buntelna iwak sapi karo jangan gandul, mengko angger ditakoni mbekayu Rikem ngomonge diwei jangan gandul karo gorengan ya, aja ngomong diwei iwak sapi." nini Sal krisikan maring nini Sup. Nini Sup katon manggut-manggut.

"Ya wis inyong arep bali ya..."

"Ngko disit, aku tek nyeluk si Tas..."

"Tas, Tas...kie uwa Sup dibuntelna lawuh medang, nagasari apa lapis ari ana."

Nini Tas manthuk-manthuk, mbari mbuntelna lawuh medang, banjur diulungna maring nini Sup. Nini sup nggawa buntelan akeh maring ngarep, nini Rikem ora weruh merga lagi nyalami dayoh. Buntelan kue mau langsung dilebokna rinjing sing wis metu neng amben njaba, mbanjut api-api jagong karo medang.

Nini Rikem lagi nemoni nini Kisem. "Ayuh Wa medang seanane kue..." nini Rikem tawa kon medang.

"Iya Kem...enak temen kie jenange, kenyil-kenyil, legine ya sedengan...mateng jam pira wingi sore."

"Iya kue Wa, ngonoh dicipini kabeh...mateng sore, ya pas nini Sal jujug-jujug jenang kae...butul umaeh rika jam pira wingi sore?" 

"Ora butul umaeh inyong ora, inyong nembe nyipi kie..."

"Oalah dadi rika keliwat kie, ya mengko kon dibuntelna nini Sal apa Tas." 

"Ujarku Uwa Kisem tek wei gethengan gede wingi sore, sih ilang maring ngendi." nini Rikem mung mbathin tok.

"Yung...kae dayoh sekang ndi yoh, rombongan karo trek, inyong kayong ora paham, apa tunggalane sekang eyange yoh." kaki Tupon nyeluk nini Rikem sing lagi mbatiri Uwa Kisem medang.

Nini Rikem karo Kaki Tupon pamit metu maring njaba nemoni dayoh se rombongan. Jagongane nganti ora medeng, ndadak digelarna tenda neng emper.

Dayoh ngasih mludag butul ngemper kiwe tengen, wong Nini Rikem gunane melu nyumbang mbuh ngendi bae ningen ora tau mbaranggawe.

Nini Sal sing dadi megari ngasih kesel ugel-ugelan tangane, merga saking akeeh dayoh sing teka.

"Mbuh due anggon-anggon apa mbekayu Rikem, dayoh koh kaya banyu ora mandeg, ora kaya inyong ganu lagi mantu si Yatni, andang-andang inyong tah ganu udan gejes, si Risah tah pas diwei terang ya dayoeh mili terus. Biasane ager nyolong wuwu ( hamil duluan ) diwei udan ora liren, kie koh terang klanthang." nini Sal gemrendeng neng ati.

Dayoh butul sore esih ndilir, ndilalah diwe terang senajan mangsan udan. Sedela maning gamelan karo penayagan lengger teka, medangan kanggo agan rombongan lengger uwis siap kabeh. Lampu petromak wis mulai diisi latung nggo agan mengke bengi.

Bersambung...

Dening (Penulis): Umi Asmarani

Editor : Pepih Nurlelis