"Yung, Yung...rika neng ngendi." Kaki Tupon kemleter ngimpleng longan mbireng, tapi nini Rikem ora nana. Banjur tilik jendela jeblag, kaki Tupon kemarasen mbok nini Rikem minggat sekang umah.
Crita nini Rikem sedawane neng senthong (kembali ke cerita awal)
Sauwise nini Rikem meneng golih nangis neng senthong, kemutan ndue celengan neng bombokan. Nini Rikem golet lading neng pedanga nduwur pedaringan nggo mbobok celengan ( senthonge labasan maring pedangan).
"Inyong ndue celengan ikih Maa, rika wis molaih gawe atiku mangkel. Mau esuk jere arep nambah bojo, terus nglomboni ayam jengger didol inyong ora ngerti. Angger Inyong lunga sekang kene iloken rika esih nggoleti." mbatine nini Rikem.
Seuwise bukak celengan nini Rikem ngetung duit terus dibundel neng pucuk benting ngasih mbendol mondot-mondot. Nini Rikem nyincingna tapih mlangkah jendela metu maring njaba.
Seuwise Kaki Tupon ngerti nini Rikem ora nana neng kamar banjur metu ngumah goleti. Kaki Tupon krmleter kesampak nanging ora ketemu. Kaki Tupon njagong neng risban bale karo ngalamun.
"Inyong pancen salah Yung, nanging aja kaya kie carane...Inyong eman rika Yung, bali ngumah ngeneh." kaki Tupon ngajog dewekan.
Nini Rikem jebule lagi dolan neng umaeh batire, lagi crita apa sing dialami neng ngumah (curhat). Seuwise crita nini War ( batire ) semaur.
"Mestine kaki Tupon ngomomg arep nambah bojo maning ya anu nggo nglomboni rika, aja ngandel...rika tah pasahan deneng." semaure nini War ngeneng-ngenengi.
"Iloken kaya kue." Nini Rikem nyemauri maning.
"Ya iya, inyong deneng kaya kue wis biasa." semaure nini War...
"Mangsude seringg ngomong nambah bojo kaya kue...inyong tah ya bebeh ager nggo jambalan kaya kue." nini Rikem semaur karo sidakep.
"Udu kue, mangsude sering mglomboni babagan duit, nanging buktine seprene esih eman maring inyong." nini War jagong jejeri nini Rikem.
Mandan tenang atine nini Rikem seuwise krungu critane nini War.
"Nah siki arep bali apa arep nginep kene bae, soale wis wengi, mesti kaki Tupon ya kemleter golih goleti."
"Inyong nginep bae bali ngesuk, ora wani neng dalan dewekan mbok ana demit neng belike kaki Krama."
Nini Rikem nginep neng umaeh nini War sewengi, jane ya ora teyeng turu tapi bali dewekan ora wani.
Bersambung....
Dening (Penulis) : Umi Asmarani
Editor : Arbi Anugrah
Artikel Terkait
