Cerita Banyumasan, Kisah Kehidupan Nini Rikem dan Kaki Tupon Episode 5: Bali Ngumah

"Jann... aja maning-maning Yung, inyong isin... wingi sore bocahan pada madang sega wadang, wong inyong ora teyeng gawe lawuh."

"Iya, Maa... inyong jaluk ngapura, maning-maning rika rasan angger ana apa-apa, aja meneng-meneng an."

"Esih peteng kaya kie deneng rika wani bali dewekan, apa kemutan inyong bae Yung," 

kaki Tupon ngledek.

"Halahh, rika maning... wong lanang tah iya mikire mung kaya kue tok," 

Nini Rikem api-api ora urus, mlaku karo cangkred-cangkred maring senthong.

"Ora usah nglomboni, inyong kue paham, urip bareng wis lawean tahun ya apal, ambene urung didandani Yung." 

Kaki Tupon ngetutna nini Rikem mlebu senthong.

"Arep ngapa Maa, dela maning srengengene metu, labuh nderes gasik bae dadi mateng gasik, Paijo geger bae jaluk sepatu anyar." 

Nini Rikem kemrewek karo udar-udar benting.

"Lah, sedela ikih Yung, nderes ngumah disit mengko dadi semangat labuh nderes wit klapa."

Wong loro gemrendheng neng senthong mbuh lagi pada ngandakna apa. 

"Yuung... inyong mangkat gasik sekolah, gawekna sarapan disit Yung..." Paijo celuk-celuk.

"Gropaakkk!!! Swara amben mledos sekang senthonge kaki Tupon.

"Iya mengko Lee..." 

Nini Rikem semaur sekang njero senthong.

"Dandani disit kue ambene, ngundang kaki Wardi mengko awan, kie duite nggo ngongkosi, inyong arep gawe sarapan disit mbok Paijo mlebu maring senthong."

Nini Rikem nguculi bundelan neng benting sing ana duite, banjur di wehna separo maring kaki Tupon.

Nini Rikem metu senthong, kaki Tupon metonggo neng pinggir amben sing mledos mau.

Bersambung...

Dening (Penulis) : Umi Asmarani

Editor : Arbi Anugrah