Cerita Banyumasan, Kisah Kehidupan Nini Rikem dan Kaki Tupon Episode 6: Anake Akeh

Joko metu maring njaba nglebokna tas karo gerdus maring bagasi mobil. Anak karo bojo pada ngetutna mlebu mobil, Risah ya melu mlebu njero mobil.

"Bismillaah..." 

Baca Juga

Cerita Banyumasan, Kisah Nini Rikem dan Kaki Tupon Episode 46: Kiriman Duit

Joko ngucap Bismillah seurunge mangkat, liane melu ngetutna ngucap Bismillah.

"Kang, kie berati ramane karo biyunge ora ngerti dewek arep bali?" 

Risah takon maring dulur lanange.

Baca Juga

Cerita Banyumasan, Kisah Nini Rikem dan Kaki Tupon Episode 45: Demenan

"Ora, belih kon kaget seneng ngerti dewek ijig-ijig thengul bali." 

Joko semaur karo nyambi nyetir.

"Nganti seprene, ramane karo biyunge moh nggenoih umah sing tek gawekna inyong, jarku tek gawekna umah sing apik perek dalan kepenak malah ora gelem genoih. Inyong melas Paijo karo Denok sekolah nyangking sepatu, jarku kon aja kaya inyong rekasa ganu." 

"Iya Kang, biyunge tah apa-apa dipikir banget, jere nggo Joko karo bojone bae mbesuk angger bali ndesa. Umaeh dewek esih kena di genoih ikih."

"Mangsude inyong kan mbuh arep bali ndesa kapan, iyaha bali ya umah gede ikih bareng karo Wati ya karo putu." 

Kakang adi pada gubes neng njero mobil, Wati gur mesem karo ngrungokna apa sing lagi dikandahna neng bojo karo adi ipene.

Mobile terus mlaku, maring arah Purwokerto, Banyumas.

Nini Rikem karo kaki Tupon esih pada gubes neng pedangan. Nini Rikem lagi neng pedangan, kaki Tupon lagi ngasah arit penderesan neng wungkal sanding sumur.

Paijo lagi adus neng sumur mburitan

"Yung... odole entong, sabun, karo sampo ya entong. Inyong adus karo apa kie Yung..." 

"Ko lah dadi bocah rewel temen, batire ora nana sabun ya meneng, nganggo sing ana neng kono. Odole dipijeti disit ben metu, sampoan karo sabun dulit yakna disit." 

Nini Rikem semaur karo kemrewek neng pedangan.

"Lha wong genah garing kabeh, odol wis tek pejet kawit wingi Yung..." 

Paijo esih bae semaur. 

"Yung, apa jaluk maring Joko disit, jane isin maring anak nembung." 

Editor : Arbi Anugrah